HOSEA 2:8 - Biblia Ilagho Jiboie Kwa Wandu Wose

⁸ Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

HOSEA 2:8 ပူးပေါင်းရင်းမြစ်များ

1 MALAGHO GHA NGELO 29:16

Ee BWANA Mlungu odu, vilambo ivi vose dafunya kwa wungi ni vekuaghia Hekalu ejikasagha irina jako ja wueli; elaima vose vafuma kwako koni na vose ni vako veni.

AYUBU 19:8

Mlungu wanitangalie chienyi niseide; waserie kira chienyi kwapo.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

ISAYA 46:6

Awa wifunyagha dhahabu mifukonyi kwawo, na kupima feza rawo kwa ratili, wadamneka mchani dhahabu, upate kubonya mlungu, nawo waighoghomia na kuitasa!

JEREMIA 7:18

Wana waawuyashoa mbande, na weke ndee wiakora modo; waka wiaruwa mufu wibonye mkate kwa wundu ghwa mlungu ghwa waka wighuwangagha Malkia wa Mlungunyi. Nawo wadunga vizongona venywa kwa milungu mizima, wipate kuwusira machu ghapo.

EZEKIELI 23:41

Wikasea kidombo aighu ya makochi gha ishima, na kuwika meza ipambilo imbiri kwawo, na kuwikiria marumba ghapo, na mavuda ghapo.

DANIELI 3:1

Mzuri Nebukadnezari ukabonya fwana ya dhahabu. Wulacha ghwaro meta mirongo iwi na mfungade, na wushapa ghwaro kaavui na meta idadu. Ukaiwika wurindinyi ghwa Dura andenyi ya isanga ja Babuloni.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

HOSEA 10:1

Wandu wa Israeli weeka sa mzabibu ghuvagha matunda kwa wungi. Ngelo wawuyachurikia kukaia nicha, niko wawuyachuria kuagha madhabahu mengi. Seji isanga jake jichuriagha kuva mavalo mengi, ni huwo wichurie kuagha nguro rake ra magho riboie retasa.

HOSEA 13:1

Iji kichuku cha wandu wa Israeli cherededagha kala, wandu wazima wa vichuku vizima va Israeli wedeeka wikisughusika; Israeli odeeka ukiwoneka wa ighu andenyi ya Israeli; ela wandu wake wiendabonya kaung'a kwa kutasa Baali, wikafwa.

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

HOSEA 4:11

BWANA waghamba, “Divei ikaiagha ya kala angu mbishi yaawuyanona akili ra wandu wapo.

HOSEA 8:4

“Wandu wapo weekusaghuya wazuri wawo weni; wawikie wabaa nisewirumirie. Wakutoteshere weni kwa kuwusa feza na dhahabu rawo wikabonya milimu.

HABAKUKI 1:16

Kwa wundu ugho, wadafunyira nyavu yawo kizongona, na kuifukiria marumba, angu nyavu rawo niro riwitesiagha kupata maseko, na vindo vinorie.

LUKA 15:13

Nyuma ya matuku matini, uja mtini ukakwanya vose orekoghe navo, ukadamba cha isanga ja kula; na aja ukatumia pesa rake kwa maza ra kisha-kisha.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

WUKUMBUSO 8:18

Mumkumbuke BWANA Mlungu onyu; angu uo nuo umnekagha ndighi reshama eri mpate kujikatisha ilaghano jake seji orewilaghirieghe weke ndeyo.

WATANYI 9:27

Wikafuma na kughenda cha mbuwenyi, wikawaya zabibu kufuma kwa mbuwa rawo ra mizabibu, wikarikama na kubonya karamu. Wikangia hekalunyi ya mlungu ghwawo, wikaja na kunywa na kumseka Abimeleki.