HOSEA 2:5 - Biblia Ilagho Jiboie Kwa Wandu Wose

⁵ Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

HOSEA 2:5 ပူးပေါင်းရင်းမြစ်များ

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

JEREMIA 11:13

Kwa kukaia milungu yenyu eewuya mingi kara kara na mizi enyu ee Juda, na madhabahu ghenyu mughiwikie ghemfusha waya gheeka mengi kara kara na chia ra Jerusalemu; mpate kumfukiria Baali marumba.

JEREMIA 13:22

Na kukaghora ngolonyi kwako, ‘Kwaki nachelwa ni iri maza rose?’ Ni kwa wundu ghwa wungi ghwa makosa ghako, niko nguwo rako rafunukulwa na oho kukadidikwa.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 6:8

Malagho agho ndeghikufundishe ee Jerusalemu nisechetana na oho; na kukubonya kuwuye mduu, isanga jisekailwagha ni wandu.”

EZEKIELI 16:35

“Kwa huwo idana ee Jerusalemu kuko sa ilaya, sikira ilagho japo.

EZEKIELI 16:39

Nichakungira mikonunyi kwa awo wakundwa wako, nawo wichachikanya nyumba rako retasira, na andu kwako kotasira mighondinyi; wichakurua nguwo rako, na kuwusa lulu rako riboie; nawo wichakusigha duu putu.

EZEKIELI 16:4

Iji korevaloghe, ndekoredumbuloghe lukuvudi lwako, hata ndekoreoghosheroghe na machi kuele; mndungi nderekuzirieghe na chumbi, angu kukurighiria nguwo ingi.

HOSEA 1:2

Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

HOSEA 2:2

BWANA waghamba, “Wana wapo, mvoyenyi mayo, mumvoye - kwa kukaia si muka wapo kungi, na ini se mumi wake anduangi - upate kughaluka na kughusigha wumalaya ghwake, na wulaki ghwake gholeghakaia mloli;

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

HOSEA 3:1

BWANA ukanizera, “Ghenda sena kuwonyera lukundo kwa uo muka wawuyabonya wulaki na mkundwa wake. Suti kumkunde sa iji koni ini niwikunde wandu wa Israeli, hata ngera waghalukie na kuitasa milungu mizima, na kukunda kufunya mikate ya zabibu riomie rikaie vizongona kwa milimu.”

HOSEA 4:5

Mwaawuyakuwa kio na dime, na mloli waawuyakuwa chiaimweri nenyo. Kwa huwo nichamtotesha mayo Israeli.

HOSEA 8:9

Wandu wa Israeli waghendie cha Ashuru, sa punda wa isakenyi umaraa-mara uekeri, wakuwikie wandu wa mbari zima welipwa wipate kuwilindia.

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.

AMOSI 8:13

Ngelo iyo, wai wighokie na wadawana wichadumbuka kwa wundu ghwa kau.

WATANYI 16:23

Nao wazuri wa Wafilisti wikakwanyika wipate kughufunyira mlungu ghwawo Dagoni kizongona kibaa na kuzuma; angu wereghambieghe, “Mlungu ghodu ghwamngira m'maiza odu Samsoni mikonunyi kodu.”