HOSEA 2:4 - Biblia Ilagho Jiboie Kwa Wandu Wose

⁴ Wokoni sichaawifuya wana wake wughoma, kwa kukaia ni wana wa wumalaya.

HOSEA 2:4 ပူးပေါင်းရင်းမြစ်များ

2 WAZURI 9:22

Joramu uendammbona Jehu ukakotia, “Welee, ni sere Jehu?” Ukatumbulia, “Sere iwonekia hao na uko kutasa milimu na kulaghua kwa mayo Jezebeli kuduagha kwa wungi?”

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

ISAYA 57:3

Ela soghodenyi aha, inyo wana wa muka msawi, na kivalwa cha walaki na malaya.

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

JEREMIA 16:5

BWANA wawuyaghora huwu, “Kusengie nyumba andu ifwa jiko hata kuselile andwamweri nawo, hata kuwadwa ni wughoma ghungi kwawo; kwa kukaia namerie kuinja irasimio japo ja kuwineka sere, na lukundo na wughoma.

EZEKIELI 23:25

Nani nichawonyera machu ghapo aighu yako, wipate kukukaba kwa kubia. Wichakudumbua mbua na madu ghako; na wandu wako wichaasigharika wichabwaghwa kwa lufu. Wichawada wana wako wa womi na wa waka, na awo wisigharikie, wichamerelwa na modo;

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

EZEKIELI 9:10

Ela ini sichaalekia, hata sichaafuya wughoma, ela nichawilipa karakara na mabonyo ghawo.”

HOSEA 1:2

Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

HOSEA 1:6

Nao Gomeri ukapata kifu sena, ukava mwana wa waka. BWANA ukamzera Hosea, “Mmbange ‘Usekundo,’ angu sichaakaia na lukundo kwa wandu wa Israeli wei niwifuye wughoma.

HOSEA 5:7

Wasowie kukaia waloli kwa BWANA; wana wawo si wake wangi. Wose wichatoteshwa chiaimweri na isanga jawo kafwani.

ZEKARIA 1:12

Malaika wa BWANA ukaghamba, “Ee BWANA Kuwadie-Ndighi-Rose, kwakaia na machu aighu ya Jerusalemu na mizi ya Juda kwa miaka mirongo mfungade. Kuchawifuyali wughoma?”

JOHANE 8:41

Inyo mwaawuyabonya sa ndeyo.” Nao wikamzera, “Isi ndederevaloghe kwa chia ya kulaka, deko na Aba umweri, Mlungu moni.”

WAROMA 11:22

Idana wona wucha ghwa Mlungu na kubia kwake. Wabirie kwa awo wighue, ela ni mucha kwako, ikakaia kwadua andenyi ya ugho wucha ghwake; si huwo, na oho wori kuchadumbulwa wokoni.

WAROMA 9:18

Niko huwu Mlungu wadamfuya wughoma uo ose seji ukundagha, na kumkurisha ngolo uo ose seji ukundagha.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.