HOSEA 2:20 - Biblia Ilagho Jiboie Kwa Wandu Wose

²⁰ Nichamangisha ilaghiro japo na kukubonya kukaie wapo; na oho kuchanirumiria kukaia BWANA.

HOSEA 2:20 ပူးပေါင်းရင်းမြစ်များ

KUZOYA 9:10

na icho chose chiko moyo chikwanye andwamweri nenyo: nyonyi, mfugho na nyamandu ra ndoenyi rose rerefumieghe safinenyi.

ISAYA 2:4

Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 30:10

“Idana msakeobua ee kivalwa cha Jakobo mdumiki wapo, msakefwa waya ee wandu wa Israeli; angu nichamkira ahoeni isanga ja kula, na kivalwa chenyu chichafuma ijo isanga weredwaloghe wunyika. Mchawuya na kukaia mhorie nicha, na mndungi ndechamuobosha sena anduangi.

JEREMIA 32:41

Nichaboilwa kuwibonyera mecha, nani nichawimangisha andenyi ya iji isanga, kwa ngolo yapo yose na kwa roho yapo yose.

JEREMIA 9:24

Ela uo ukukasagha ndekukase kwa ilagho iji: kukaia, wawuyaelelwa na kunimanya ini angu ne BWANA uo ubonyagha lukundo lukatie, loli na hachi ndoenyi; kwa kukaia ini nadaboilwa andenyi ya maza iro.”

EZEKIELI 16:62

Nichamangisha ilaghano japo na oho, na oho kuchamanya kukaia ini ne BWANA.

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

EZEKIELI 34:25

Nichabonya ilaghano ja sere andwamweri naro, na kuinja nyamandu ra isakenyi rifume isangenyi; ripate kukaia banana kireti, rikilala kilembenyi.

EZEKIELI 34:27

Na midi ya mbuwenyi ichava matunda gharo, na mavalo gha ndoenyi ghichachurikia; richakaia banana isangenyi, naro richamanya kukaia ini ne BWANA, ingelo nichaiinja ghongolo ifume singonyi kwawo, na kurikira kufuma mikonunyi kwa awo wereribonyereghe wazumba.

EZEKIELI 38:23

Nani nichawonyera wubaa ghwapo na wueli ghwapo, na kukumanyisha ini moni imbiri ya iro mbari nyingi ra wandu. Niko wichamanya kukaia ini ne BWANA.”

HOSEA 13:4

BWANA waghamba, “Ini ne BWANA Mlungu wako nikufunyire kufuma isanga ja Misri. Ndekuwadie Mlungu ungi mzima ela ini moni, ndekuwadie mkiri ungi mzima kunichumba ini.

HOSEA 2:19

“Israeli, nichakuwusa kukaie mkapo; nichakaia mhachi na mloli kwako; nichakuwonyera wughoma na lukundo lukatie na kukubonya kukaie wapo kwa kala.

HOSEA 6:6

Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

WALAWI 26:5

Mchakaia na vindo vingi, hata modekuwidagha viro ngelo ewaya zabibu, na kuwaya zabibu ngelo ewa viro. Muchaja vindo venyu na kughuda, na kukaia isangenyi konyu kwa sere.

WALAWI 26:6

“Nichamredia sere isangenyi, nenyo mchalala mseobuagha mndungi, nichainja nyamandu rose ra ndengwa isangenyi, hata ndemchaakaia na wuda isangenyi anduangi.

MIKA 4:3

Uchatanya aghadi ya wandu wa mbari nyingi na aghadi ya wandu wiwadie ndighi kula na kaavui. Wichachana chufu rawo riwuye maghembe, na mafumu ghawo ghiwuye mindu. Mbari nderichaalwa reni na reni, hata nderichaakufundisha kulwa wuda sena anduangi.

ZEKARIA 9:10

BWANA waghamba, “Nichainja magare gha wuda kufuma Israeli, na farasi kufuma Jerusalemu; na ndana ra wuda richanonwa. Mzuri onyu uchabonya sere ikaie aghadi ya mbari ra wandu; na nguma yake ichaera kufuma bahari hata bahari, na kufuma Moda ghwa Eufrate hata kutua kwa ndoenyi.”

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

LUKA 10:22

Nanekelo vilambo vose ni Aba; hata ndekuwadie mndungi ummanyagha Mwana nani, ela Aba moni, sena mndungi ndemmanyagha Aba nani, ela Mwana moni, na uo ose Mwana uchaamsaghua umfunukuye.”

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 8:55

Inyo ndemumwichi, ela ini namwichi; nani ngaghamba simwichi, nichakaia mtee karakara na inyo; ela ini namwichi sena nadamsikira.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

2 TIMOTHEO 1:12

na kwa wundu ugho, niko nawuyapatwa ni ughu wasi. Ela sifwagha waya, angu namwichi uo nimrumirie, nani neko na wuloli kukaia wadima kuchilindia icho nichiwikie kwake hata Ituku jija.

WAEBRANIA 8:11

Hata ndewichaafundishana kula mundu na mmbao, angu kula mundu na mruna, wikighamba ‘Mmanye Bwana’ angu wose wichanimanya, kufuma mtini, hata m'baa wawo.

1 JOHANE 4:6

Isi de wa Mlungu. Uo ose ummanyagha Mlungu wadadisikira; na uo useko wa Mlungu ndeudisikiragha. Kwa chia ihi dammanya uo Roho wa loli, na uo roho wa tee.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.