HOSEA 2:18 - Biblia Ilagho Jiboie Kwa Wandu Wose

¹⁸ “Ituku ijo nichabonya ilaghano na nyamandu, nyonyi, na shimandu riavuagha andoenyi, kukaia nderichaabonya wandu wapo ilagho jingi. Wokoni nichainja ndana rose na chufu relwa wuda isangenyi na wandu wapo wichakaia banana.

HOSEA 2:18 ပူးပေါင်းရင်းမြစ်များ

AYUBU 5:22

Ngelo ya kunoneka na ngelo ya njala oho kuchaseka, hata ndekuchaaobua nyamandu ra isakenyi.

AYUBU 5:23

Mbuwa yako ndeichaakaia na magho, na nyamandu ra isakenyi nderichaakuwada.

ZABURI 148:10

nyamandu na mfugho rose, shimandu na nyonyi riburukagha!

ZABURI 23:2

wanirarisha malishonyi gha nyasi mbishi, na kunilongoza mbai-mbai ya machi ghinyame.

ZABURI 46:9

Wadabonya wandu wisighe wuda ndoenyi kose; wadachikanya ndana, na kunona mafumu; wadakora ngao kwa modo.

ISAYA 2:11

Kuwoneka kwa wubaa ghwa mdamu kuchaserwa, kukujosa kwa wadamu kuchaserwa. BWANA uekeri nuo uchaajoswa ituku jija.

ISAYA 2:17

Kukujosa kose kwa mdamu kuchaserwa, na kukuduka kwa wadamu kuchaserwa; BWANA uekeri nuo uchaajoswa ituku jija.

ISAYA 2:4

Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 26:1

Ngelo iyo, wandu wa isanga ja Juda wichabora lumbo ulu: Deko na muzi ghumange, Mlungu waghuwikia kukia kwake sa ngome imange.

ISAYA 32:18

Wandu wapo wichakaia nicha isangenyi, na nyumba rawo richakaia na sere, andu kuhorie kwa kima.

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

ISAYA 65:25

Kikwau na mwana wa ng'ondi wichajanya, na shimba ichaja nyasi sa ng'ombe, hata teri ichawuya vindo va choka. Richakaianya kuseko na kushoghonuana angu kunona kilambo chingi aighu ya kula andu kwa wueli mghondinyi kwapo.”

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

JEREMIA 30:10

“Idana msakeobua ee kivalwa cha Jakobo mdumiki wapo, msakefwa waya ee wandu wa Israeli; angu nichamkira ahoeni isanga ja kula, na kivalwa chenyu chichafuma ijo isanga weredwaloghe wunyika. Mchawuya na kukaia mhorie nicha, na mndungi ndechamuobosha sena anduangi.

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

EZEKIELI 34:25

Nichabonya ilaghano ja sere andwamweri naro, na kuinja nyamandu ra isakenyi rifume isangenyi; ripate kukaia banana kireti, rikilala kilembenyi.

EZEKIELI 39:1

Bwana MLUNGU waghamba “Mwana wa mdamu, funya wulodi aighu ya Gogu, m'baa wa wabaa wa Mesheki na Tubali kughambe kukaia ini ne m'maiza wake.

ZEKARIA 14:4

Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi.

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

ZEKARIA 3:10

Ituku ijo jikavika, kula mundu onyu uchamkaribisha mmbao wikaie aisi ya mzabibu ghwake na aisi ya mtini ghwake wikiboilwa kwa kukaia weko na sere na wulindiri.”

ZEKARIA 9:10

BWANA waghamba, “Nichainja magare gha wuda kufuma Israeli, na farasi kufuma Jerusalemu; na ndana ra wuda richanonwa. Mzuri onyu uchabonya sere ikaie aghadi ya mbari ra wandu; na nguma yake ichaera kufuma bahari hata bahari, na kufuma Moda ghwa Eufrate hata kutua kwa ndoenyi.”