HOSEA 2:12 - Biblia Ilagho Jiboie Kwa Wandu Wose

¹² Nichainja mizabibu na mitini yake, iyo orekoghe ukighamba wei wakundwa wake wedemneka kwa wundu ghowidumikia. Nichaighalua mizabibu na matunda ghake ghiwue kireti.

HOSEA 2:12 ပူးပေါင်းရင်းမြစ်များ

ZABURI 80:12

Da wurigha ghwaro-lee, kwaghuvuchuyaki, hata wandu wose wiidagha wiwayeghe matunda gharo?

ISAYA 29:17

Yasighwa ngelo vui na msidu ghwa Lebanoni ghuchaghaluswa ghuwuye mbuwa rinorie, na mbuwa rinorie riwue msidu.

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

ISAYA 7:23

“Ngelo iyo, andu korekoghe na miwalwa ya mizabibu elfu imweri, erekoghe ikipata pesa shekeli elfu imweri, kuchabuka mndungua na minjwa.

JEREMIA 13:26

Ini nimoni nichafunukua nguwo rako rivike wushunyi, wuduu ghwako ghupate kuwoneka.

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 5:17

Wichaja makuwido ghako na vindo vako; wichabwagha wana wako wa womi na wa waka; wichachinja ng'ondi rako na ng'ombe rako; wichanona mizabibu yako na mitini yako; wichanona mizi yako ya ngome kuirumirie, kwa wuda.”

JEREMIA 8:13

“Ngelo nichaawitumbanya wandu wapo wichakaia sa mzabibu ghusewadie zabibu, na sa mtini ghusewadie tini; na mbashu raro richakaia riomie, na icho nerewinekieghe, wichasokwa.”

HOSEA 13:8

Nichamramia chienyi sa dubu wasokwa wana wake; nichamrashua-rashua na kumja shwa wori sa shimba, seji nyamandu ya isakenyi irashuagha.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

HOSEA 5:14

Nichawikaba wandu wa Israeli na Juda sa shimba. Nichawirashua ini moni viluponge na kuwisigha. Ngelo nawifunya noko, ndekuchaakaia na mndungi owikira anduangi.

HOSEA 9:1

Wandu wa Israeli, msebonye ndima mkiboilwa sa wandu wa iro mbari. Inyo mwaghalukie mkamsigha Mlungu onyu, hata ndemkaie waloli kwake anduangi. Mwakuuzire isangenyi kose mkawuya malaya kwa mlimu Baali, mkaboilwa ni viro moregheshereghe ni malipo ghenyu.

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.