HOSEA 13:6 - Biblia Ilagho Jiboie Kwa Wandu Wose

⁶ Ela iji morejieghe mkaghuda andenyi ya isanga ja ilaghiro, morekujosereghe ngolonyi konyu mkaniliwa.

HOSEA 13:6 ပူးပေါင်းရင်းမြစ်များ

NEHEMIA 9:35

Werebonyereghe nguma aighu ya wandu wako kwa irasimio jako; wikakaia andenyi ya isanga ibaa jinorie korewinekieghe, ela wikalemwa ni kusigha kaung'a na kukughalukia oho.

ZABURI 10:4

Mundu mmbiwi ukukasire ndemtalagha BWANA; wadaghesha ngelo rose Mlungu ungi ndeuko.

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

JEREMIA 5:7

BWANA waaghamba, “Nidima wada kukufuya wughoma? Wana wako wanileghie, na kughema kwa ivo viseko milungu ingi. Iji nerewijishireghe wikaghuda, werelakieghe na kungia andenyi ya nyumba ra malaya.

EZEKIELI 23:35

Kwa huwo Bwana MLUNGU waghamba huwu, “Kwa kukaia kwanileghie hata kukaniwikia mghongo, kuchaduka msigo ghwa wulaki na wumalaya ghwako.”

EZEKIELI 28:5

Kwachurie mali rako kwa hikima yako mbaa ebonya biashara, kukachulwa ni lukaso ngolonyi kwako kwa wundu ghwa iro mali rako.

HOSEA 10:1

Wandu wa Israeli weeka sa mzabibu ghuvagha matunda kwa wungi. Ngelo wawuyachurikia kukaia nicha, niko wawuyachuria kuagha madhabahu mengi. Seji isanga jake jichuriagha kuva mavalo mengi, ni huwo wichurie kuagha nguro rake ra magho riboie retasa.

HOSEA 12:8

Wadaghamba, ‘Aa, dameria kuwuya wazuri wa mali, damerie kukupatira wuzuri; ndekuwadie mndungi udimagha kudishitakia wei deepata mali kuseko na hachi.’

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

HOSEA 2:7

Uchawinugha wakundwa wake, ela ndechaawipata; niko aho uchaghora, ‘Nichammburia mndwawomi wapo wa imbiri, kwa kukaia nerekoghe nicha kwake kuchumba idana.’

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

HOSEA 4:7

“Sa iji inyo wakohani mwawuyachurikia, ni huwo koni mwawuyachuria kunibonyera kaung'a. Kwa huwo nichaghalusa ishima jenyu jiwuye waya.

HOSEA 5:14

Nichawikaba wandu wa Israeli na Juda sa shimba. Nichawirashua ini moni viluponge na kuwisigha. Ngelo nawifunya noko, ndekuchaakaia na mndungi owikira anduangi.

HOSEA 7:14

Ndewiwuenilomba kwa loli putu, ela waawuyakukumba andonyi sa wandu wisemuichi Mlungu. Wikakalomba viro na divei wiabonya sa wandu wa iro mbari. Ni wandu winileghie putu!

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

HOSEA 8:4

“Wandu wapo weekusaghuya wazuri wawo weni; wawikie wabaa nisewirumirie. Wakutoteshere weni kwa kuwusa feza na dhahabu rawo wikabonya milimu.

WUKUMBUSO 32:18

Weremliwieghe Mlungu wawo, uo Mkiri uwadie ndighi, uo uwinekagha irangi.