HOSEA 13:5 - Biblia Ilagho Jiboie Kwa Wandu Wose

⁵ Na ini nerekulindiagha iji korekoghe kireti, ijo isanga jiomie.

HOSEA 13:5 ပူးပေါင်းရင်းမြစ်များ

KUZOYA 31:40

Najie wasi na ndighi; nadime ngibwaghwa ni iruwa, na nakio ngibwaghwa ni mbeo, na dilo rikanilema.

ZABURI 1:6

BWANA wadawighenja wahachi, ela wawiwi wichatoteshwa.

ZABURI 142:3

Iji nakafwa ngolo, uo wamanya seji inifwane nibonye. Wamaiza wapo waniwikia mdegho chienyi andu niidiriagha.

ZABURI 31:7

Nichaboilwa na kuzuma kwa wundu ghwa lukundo lwako lukatie, angu oho kwawonie makorongo ghapo, kukamanya wasi ghwapo;

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

KUFUMA 2:25

Mlungu ukawiwona wandu wa Israeli, ukaghumanya wasi ghwawo.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

HOSEA 5:3

Namwichi Israeli loli-loli, ndevisikie kwapo anduangi. Wasowie kukaia na wuloli kwapo, na wandu wake ndewifwanagha kunitasa.”

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.

NAHUMU 1:7

BWANA waboie; wadawilindia wandu wake ngelo ya wasi. Wadawilindia awo wimrumiriagha.

1 WAKORINTHO 8:3

Ela uo mundu umkunde Mlungu, wamanyikie kwake.

WAGALATIA 4:9

ela idana, mwachemmanya Mlungu; angu nighambe, Mlungu wammanyire inyo. Mwadima wada kuwuya nyuma, na kuriwuria sena rija roho ra wurumwengu ughu ra wukiwa risewadie ndighi; na kukunda kuwuya wazumba wawo kawi?

WUKUMBUSO 2:7

“BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

WUKUMBUSO 32:10

“Orewikueghe isanga ja kireti, andu kwa kireti kuomeshero ni mbeo ya kiremba. Ukawirighia na kuwilindia, ukadammbona sa mundu wa iriso jake.

WUKUMBUSO 8:15

Ukamghenja kuidia kireti cheobosha, chiko na choka ribirie na weke mwambandenyi, na andu kuomie kusene machi; nao ukamfunyira machi ighonyi jikurie kuu.