HOSEA 13:3 - Biblia Ilagho Jiboie Kwa Wandu Wose

³ Kwa huwo wichasoweka sa ikungughu ja luma lwa nakesho, kara kara na mami ghiinjikagha kokio, na kara kara na makanda ghidukwagha noko ni mbeo kufuma kwa lwala loelea viro, angu sa mosi ghufumagha na idirisha.

HOSEA 13:3 ပူးပေါင်းရင်းမြစ်များ

AYUBU 21:18

Ni kalinga wikaie sa matasa ghidukwagha ni mbeo, na sa makozi ghidukwagha noko ni kiremba?

AYUBU 30:15

Nachulwa ni kiture; ishima japo jainjwa seji jaadukwa ni mbeo; mecha ghapo ghaniinjikia sa iwingu.

ZABURI 1:4

Wandu wawiwi ndewikaiagha huwo anduangi; ela weeka sa makanda ghidukwagha ni mbeo.

ZABURI 68:2

Wadawiwinga seji mosi ghudukwagha noko; wawiwi wadatota imbiri ya Mlungu, seji sungu isaghagha modonyi.

ISAYA 17:13

Iro mbari ra wandu raruruma sa kughona kwa machi mengi, ela Mlungu uchawikemia, nawo wichakimbia; wichawingwa sa mafozi ghidukwagha ni mbeo aighu mghondinyi, sa teri ya kikulughulu na kiremba.

DANIELI 2:35

Niko chuma, na feza, na shaba, na dhahabu, vose vikachika vipande vipande; vikawuya sa teri ya kwari kwalazi, na kiremba chikaweta na kuiduka noko, hata isemanyike wei kokoghe na kilambo aho. Ela ijo igho jereipotokieghe jikawuya ibaa na kuwuya mghondi m'baa hata ghukafinikira ndoenyi kose.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

ZEFANIA 2:2

imbiri mseinjiro sa mafozi ghadukwa ni mbeo, imbiri msechelo ni machu ghibirie gha BWANA, imbiri ijo ituku ja lubio jisechee aighu yenyu.

ZEKARIA 8:12

Wandu wichawa kwa sere, mzabibu ghuchava matunda gharo, na ndoe ichachuria mavalo gharo, na vua ichanya; nani nichawibonya awa wandu wisigharikie wipate agha marasimio ghose.