HOSEA 13:1 - Biblia Ilagho Jiboie Kwa Wandu Wose

¹ Iji kichuku cha wandu wa Israeli cherededagha kala, wandu wazima wa vichuku vizima va Israeli wedeeka wikisughusika; Israeli odeeka ukiwoneka wa ighu andenyi ya Israeli; ela wandu wake wiendabonya kaung'a kwa kutasa Baali, wikafwa.

HOSEA 13:1 ပူးပေါင်းရင်းမြစ်များ

KUZOYA 2:17

ela matunda gha ghuja mudi ghomanya mecha na mawiwi kuseje, angu ituku kujagha matunda gharo, kuchafwa.”

1 WAZURI 12:25

Mzuri Jeroboamu wa Israeli ukaagha ngome Shekemu, isanga ja mighondinyi ja Efraimu, ukakaia aho. Ukafuma aho na kuagha Penueli.

AYUBU 29:21

“Ngafunya njama, wandu weeduanyama kima; wisikire agho nighoragha.

AYUBU 29:22

Ngameria kudeda, ndeweewuyadeda sena; wedengilwa ni malagho ghapo wikaakatwa.

MAKATANISHO 18:12

Mundu wadazoya ukukase imbiri useghue, ela kukusera kwadareda kunekwa ishima.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ISAYA 7:8

Kwa kukaia muzi m'baa ghwa Siria ni Dameshki, na m'baa waro ni Mzuri Resini. Na kwa wundu ghwa Israeli andenyi ya miaka mirongo irandadu na misanu, wichakaia wameria kusaghisika wisekaie mbari sena.

HOSEA 11:2

Seji koni nerekoghe ngimmbanga, niko orechurieghe kughenda kula nani. Wandu wapo wikam'bwaghia Baali vizongona, na kuifukiria milimu marumba.

HOSEA 2:10

Idana nichafunukua wuchafu ghwake imbiri ya wakundwa wake, hata ungi ndechaapatika omvuvua kufuma mikonunyi kwapo.

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

HOSEA 8:4

“Wandu wapo weekusaghuya wazuri wawo weni; wawikie wabaa nisewirumirie. Wakutoteshere weni kwa kuwusa feza na dhahabu rawo wikabonya milimu.

MITALO 10:22

Niko awo wandu werekoghe wa bendera ya Efraimu wikazoya charo kwa mafungu ghawo, na kilongozi cha ijeshi jawo cherekoghe Elishama mwana wa Amihudi.

MITALO 13:16

Agha nigho marina gha wandu awo Musa orewidumieghe wiendejizighana isanga. Na Musa ukammbanga Hoshea mwana wa Nuni, Joshua.

MITALO 13:8

kwa kichuku cha Efraimu, ukafuma Hoshea mwana wa Nuni;

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

WAROMA 5:12

Kwa huwo, sa iji kaung'a erengirieghe wurumwengunyi kwa chia ya mundu umweri, na iyo kaung'a ikareda kifwa, huwo koni kifwa chaidie na kungia kwa wandu wose; angu wose wabonyere kaung'a.

2 WAKORINTHO 5:14

Angu lukundo lwa Kristo lwadibonyera nguma, kwa kukaia damerie kuwona huwu, ikakaia mundu umweri orefueghe kwa wundu ghwa wose, huwo wose wedeefwa.

JOSHUA 3:7

BWANA ukamzera Joshua, “Idime iji nichazoya kukujosa imbiri ya Waisraeli wose, wipate kumanya angu sa iji koni nerekaieghe andwamweri na Musa, huwo koni nichakaia andwamweri na oho.

WATANYI 12:1

Wandu wa Efraimu wikakuwika tayari kwa wuda; wikaruwuka moda ghwa Jordani hata Safoni, wikamzera Jefitha, “Kwaki koreruwukagha kwendelwa na Waamoni kusedighorie dikaghendanya? Dichakukoronga na nyumba yako.”

WATANYI 8:1

Niko wandu wa Efraimu wikamzera Gideoni, “Kwaki kudibonyere huwu? Kwaki kuserediwangagha iji koreghendagha kulwa na Wamidiani?” Wikamrasha kwa kubia.

1 SAMUELI 15:17

Nao Samueli ukaghamba, “Hata ngera kwawuyakumenya kumoni, na kukuwona ndekufwane, ela uko nechi ni oho kumoni m'baa aighu ya vichuku va Israeli BWANA odekushinga mavuda kukaie mzuri aighu ya Israeli.