HOSEA 11:9 - Biblia Ilagho Jiboie Kwa Wandu Wose

⁹ Sichaakukaba kwa machu ghapo anduangi; sichaamtotesha Israeli sena, kwa kukaia ini ne Mlungu se mdamu ungi; ini Mweli neko aghadi konyu, na ini sichaamchea na machu.

HOSEA 11:9 ပူးပေါင်းရင်းမြစ်များ

2 SAMUELI 20:10

Ela Amasa nderekoghe ukiwona luja lufu lwawadilwa ni Joabu. Niko Joabu ukamdunga nalo kifunyi, na kuwudua mawula ghake andonyi; nao ukafwa, Joabu usewurie kumdunga indo ja kawi. Niko Joabu na mruna Abishai wikamnugha Sheba mwana wa Bikri.

ZABURI 46:5

Mlungu wadakaia andenyi ya ugho muzi, na jingi ndeghuchaanoneka; wadaghutesia nakesho kio.

ZABURI 78:38

Ela uo kwa kukaia wa wughoma, orewifuyeghe wughoma kaung'a rawo hata nderewitoteshereghe anduangi. Oreghimazirieghe machu ghake mando mengi, eri ghisechewuka ghose.

ZABURI 85:4

Kudiwunje sena ee Mlungu Mkiri odu; kuleke makai ghako cha kodu.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 48:9

“Nawadia machu ghapo kwa wundu ghwa ishima ja irina japo; nakurumaghia kwa wundu ghwa wubaa ghwapo, eri nisechekuinja putu.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

JEREMIA 26:3

Kewada wichasikira wighaluke na kusigha kula umu mighendo yake izamie, eri nipate kughalusa nia ewibonya kiwiwi.

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 14:4

BWANA waghamba, “Nichawiwunja wandu wapo cha kwapo. Nichawikunda kwa ngolo yapo yose; hata sichaakaia na machu nawo sena anduangi.

MALAKI 3:6

“Ini ne BWANA sighalukagha. Na inyo ee kivalwa cha Jakobo, ndemchaamerelwa putu anduangi.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

WUKUMBUSO 13:17

Mseshoo kindo chingi cha ivo vimerie kutanywa vipate kutoteshwa; eri BWANA upate kuhoresha machu ghake, na kumfuya wughoma, nao um'bonye mchurikie sa iji koni orewilaghirieghe weke ndeyo,

1 SAMUELI 26:8

Nao Abishai ukamzera Daudi, “Linu niko Mlungu wamngira m'maiza wako mikonunyi kwako; idana leka nimdunge na ifumu hata jiide na ndonyi indo jimweri tu, siwuriagha ja kawi.”