HOSEA 11:8 - Biblia Ilagho Jiboie Kwa Wandu Wose

⁸ “Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

HOSEA 11:8 ပူးပေါင်းရင်းမြစ်များ

KUZOYA 14:8

Awo wazuri wasanu, wa Sodoma, Gomora, Adma, Zeboiimu, na Bela (nigho Soari), wikafuma

2 SAMUELI 24:16

Hata iji malaika orekoghe tayari kughorua mkonu ghwake cha Jerusalemu eri ughukabe, BWANA ukaghalua nia ebonya ugho wuwiwi, ukamzera, “Yakata, leka.” Uja malaika wa BWANA orekaieghe kimusi aja wazenyi eelia viro ya Arauna, Mjebusi.

1 WAZURI 3:26

Nao umuka mwana wake orekoghe moyo, kwa kukaia ngolo yake erekoghe ikimmbonia mwana wake wughoma ukaghamba, “Ee bwana wapo, mneke uo mwana, kusem'bwaghe putu.” Ela uja umu ukaghamba, “Ndediwaghilo dimsowe diwose.”

2 WAZURI 13:23

Ela BWANA ukakaia na wughoma aighu ya wandu wake, ukaghaluka uwitesie kwa wundu ghwa ijo ilaghano orejibonyereghe na Abrahamu, Isaaka, na Jakobo; ndewerewitoteshereghe hata nderewisighieghe jingi.

2 MALAGHO GHA NGELO 36:15

BWANA, uo Mlungu wa weke ndee, orekoghe ukiwidumia wadumwa wake sena na sena, angu orekoghe na wughoma kwa wandu wake, na Andu kwake Kokaia.

ZABURI 106:45

Kwa wundu ghwawo, ukakumbuka ilaghano jake, na kwa wundu ghwa lukundo lwake lukatie, ukahoresha machu ghake.

ISAYA 16:11

Kwa huwo niaililia Moabu na muzi ghwa Kir-heresi.

ISAYA 63:15

Kudizighane kufuma mlungunyi kwako ee BWANA, kufuma agho malalo ghako ghielie gha wubaa. Ugho wuing'oni na kudima kwako koko hao? Ghuao ugho wughoma na lukundo lwako kudikunde nalo?

JEREMIA 18:8

nao iyo mbari ihee wuwiwi ghwake, nanimoni nichaghaluka nisighe kureda wuwiwi ugho nikoghe niiredie.

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

JEREMIA 42:10

‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.

JEREMIA 9:7

Kwa huwo BWANA wa majeshi waghamba huwu: “Olenyi nichawielesha sena niwitime; da nibonya ilaghoki kwa wundu ghwa wandu wapo?

KILILO CHA JEREMIA 1:20

“Zighana wasi na kuwawa kwapo kwa ngolonyi ee BWANA! Ngolo yapo yawawa kwa wundu ghwa kaung'a rapo. Wandu waawuyabwaghwa achienyi, hata nyumbenyi wori kifwa cheko aeni.

KILILO CHA JEREMIA 3:32

Wadima kudiredia wasi, ela kwa loli wadikunde putu.

KILILO CHA JEREMIA 3:33

Ndeboilwagha ni kudiredia wasi angu luwawo.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

HOSEA 7:1

“Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

AMOSI 4:11

“Neretoteshereghe wamu wenyu seji neretoteshereghe wandu wa Sodoma na Gomora. Awo morevuvukieghe morekoghe sa kamudi kavuvulwa modonyi. Hata huwo saki ndemorenighalukieghe,” waghamba BWANA.

AMOSI 7:3

Nao BWANA ukaghalusa maghesho aighu ya ilagho ijo ukaghamba, “Ndejichaabonyeka kungi.”

AMOSI 7:6

Nao BWANA ukaghalusa maghesho aighu ya ilagho ijo ukaghamba, “Hata iji wori ndejichaabonyeka kungi.”

MIKA 5:3

Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.

ZEFANIA 2:9

Kwa huwo, sa iji nikaiagha moyo, ini BWANA wa majeshi, Mlungu wa Israeli, naghema kukaia Moabu ichakaia sa Sodoma, na Waamoni sa Gomora. Isanga jichakaia na vina va chumbi, najo jichanoneka kwa kala na kala na kubukwa ni isaka. Masighariko gha wandu wapo wichawisoka vilambo na kuwusa isanga jawo.”

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

WUKUMBUSO 29:22

“Wana wenyu wa kivalwa chichagha, na waghenyi wifumagha isanga ja kula, wichawona makabo ghose BWANA oreghitumieghe kujikaba ijo isanga, kwa matiriro ghose na makongo.

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.

WUKUMBUSO 32:36

BWANA uchawivuvua wandu wake, ukawona wameria kusirilwa ni ndighi putu. Uchakaia na wughoma kwa awo wawuyamdumikia.

2 PETRO 2:6

Mlungu oreitanyireghe mizi ya Sodoma na Gomora, ukaikora na kuiwunja maivu, na kuibonya ikaie mfwano kwa awo wisemuobuagha Mlungu.

JUDA 1:7

Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.

WUFUNUO 11:8

Na gharia rawo richakaia a chienyi ya ugho muzi m'baa ghuwangwagha kiroho Sodoma na Misri, andu Bwana wawo oresulubishiroghe.

WUFUNUO 18:18

wikakema wikizighanira ugho mosi ghwa kukorwa kwake wikighamba, “Ni muzi ghuao ghudimagha kufwanana na ugho muzi m'baa ghwa Babuloni?”

WATANYI 10:16

Wikainja milungu ya kighenyi kufuma kwawo, wikamdumikia BWANA; nao ukawawa kwa wundu ghwa wasi ghwa Waisraeli.