HOSEA 11:1 - Biblia Ilagho Jiboie Kwa Wandu Wose

¹ BWANA waghamba, “Iji Israeli orekoghe mwanake, neremkundeghe; kufuma Misri ngammbanga mwanwapo.

HOSEA 11:1 ပူးပေါင်းရင်းမြစ်များ

ZABURI 129:1

Israeli, dighorie seji kukorongelo ni wamaiza wako kufuma wanake ghwako.

KUFUMA 19:4

‘Mwawonie seji nerewibonyereghe Wamisri, na seji koni neremdwaeghe sa iji koni indu idwagha vana vake aighu ya mawawa ghake; ngamreda aha kwapo.

KUFUMA 4:22

Na oho kuchamzera Farao, ‘BWANA waghora huwu: Israeli ni mwana wapo wa imbiri;

KUFUMA 4:23

nani nakuzera, “Sigha mwana wapo ughende, upate kunidumikia.” Kukalegha kumsigha ughende, ola nicham'bwagha mwana wako wa imbiri.’”

ISAYA 43:4

Kwa kukaia koko wa zoghori mbaa mesonyi kwapo, na kwa kukaia nakukunde na kukuneka ishima, nichafunya wandu kwa wundu ghwako, na mbari ra wandu kwa wundu ghwa irangi jako.

JEREMIA 12:7

BWANA waghamba, “Namerie kumsigha Israeli, namerie kusigha wandu wapo. Namerie kumngira mkundwa wapo wa ngolonyi, mikonunyi kwa wamaiza wake.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

EZEKIELI 16:22

Na andenyi ya ugho wuchafu ghwako ghose, na wumalaya ghwako, jingi ndekukumbukie matuku gha wanake ghwako, ngelo korekoghe duu putu kukighala-ghala a baghenyi kwako.

EZEKIELI 16:6

“Hata iji nereidieghe kaavui na oho, na kukuwona seji kwawuyaghala-ghala a baghenyi kwako, ngakuzera kuko ahoeni baghenyi kwako, ‘Kaia moyo,

HOSEA 10:15

Huwo niko mchaabonyerwa inyo, wandu wa Betheli, kwa wundu ghwa ugho wuwiwi ghonyu m'baa moreghubonyereghe. Wuda ghukazoya woruwu, mzuri wa Israeli uchabwaghwa.”

HOSEA 12:13

BWANA oremdumieghe mlodi kuwifunya wandu wa Israeli isanga ja Misri; kwa chia ya uo mlodi, wikalindilwa.

HOSEA 12:9

Ela ini BWANA Mlungu wako nerekulongozereghe kufuma Misri, nichakubonya kukaie hemenyi sena iji nerekukueghe aho kireti.

HOSEA 13:4

BWANA waghamba, “Ini ne BWANA Mlungu wako nikufunyire kufuma isanga ja Misri. Ndekuwadie Mlungu ungi mzima ela ini moni, ndekuwadie mkiri ungi mzima kunichumba ini.

HOSEA 2:15

Nichammbunjira mbuwa yake ya mizabibu, na kubonya Vololo ya Akori iwuye mnyango ghwa isuwirio. Aho uchanitumbulia sa iji orekoghe wa irika, sa ngelo orefumieghe Misri.

MALAKI 1:2

BWANA wawizerie wandu wake, “Ini namkunde matuku ghose.” Ela wandu wake wawuyaghamba, “Oho kwadikunde wada?” BWANA ukawitumbulia, “Welee, Esau nderekoghe mruna Jakobo? Ela sena ini neemkunda Jakobo,

MATHAYO 2:15

Nao ukakaia aho hata Herode ukafwa. Agho gherebonyekieghe, eri malagho gha Bwana ghikatie; agho ghereghoreloghe ni mlodi ghighambagha, “Kufuma Misri, ngammbanga Mwana wapo.”

WUKUMBUSO 33:3

BWANA wawikunde wandu wake na kuwilindia awo wiko wake. Kwa huwo dadaghoghoma maghunyi kwake na kusikira malaghiro ghake.

WUKUMBUSO 7:7

Si angu wei mooka wengi kuchumba wandu wazima ima BWANA ukamkunda na kumsaghua; kwa kukaia inyo moko watini kuchumba wandu wose.