HOSEA 10:5 - Biblia Ilagho Jiboie Kwa Wandu Wose

⁵ Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

HOSEA 10:5 ပူးပေါင်းရင်းမြစ်များ

2 WAZURI 10:29

Ela nderesighieghe kaung'a ra Jeroboamu mwana wa Nebati, kwa iro, orewishekerieghe Waisraeli kungia kaung'enyi etasa milimu ya ngache ra dhahabu oreiwikieghe Betheli na Dani.

2 WAZURI 17:16

Wikarisigha sharia rose ra BWANA Mlungu wawo, na kukubonyera weni milimu ichanilo ya ngache iwi; wikabonya mlungu ghwa waka Ashera, na kutasa nyerinyeri, na kumdumikia Baali.

2 WAZURI 23:5

Ukawiinja waja wakohani wetasa milimu werewikiloghe ni wazuri wa Juda kwa wundu ghofukira marumba andu kotasira milimu mighondinyi, mizinyi ya Juda, na mbai mbai ya Jerusalemu. Na wakohani awo weremfukirieghe Baali marumba, na iruwa, na mori na nyerinyeri mbaa na ndini na majeshi ghose gha mlungunyi ukawiinja.

2 MALAGHO GHA NGELO 11:15

Ukawika wakohani wake moni wedumika andu kotasira mighondinyi, na kudumikia majini, na fwana ya ngache oreibonyereghe.

2 MALAGHO GHA NGELO 13:8

“Na idana mwaawuyaghesha wei mwadima kusimana na wuzuri ghwa BWANA ghuko mikonunyi kwa wana wa Daudi, angu wei kedi muko wengi na angu wei Jeroboamu um'bonyere milungu ya fwana ra ngache ra dhahabu.

ISAYA 46:2

Iyo milungu yasia, nayo yadukwa isedimagha kukukira cheni, ela yadwalwa wunyika.

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

HOSEA 4:15

“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’

HOSEA 5:8

Kabenyi tarumbeta ya wuda aho Gibea! Kabenyi ndereri aho Rama! Kemenyi ngemi ya wuda aho Beth-aveni! Ngienyi wudenyi inyo wandu wa Benjamini.

HOSEA 9:1

Wandu wa Israeli, msebonye ndima mkiboilwa sa wandu wa iro mbari. Inyo mwaghalukie mkamsigha Mlungu onyu, hata ndemkaie waloli kwake anduangi. Mwakuuzire isangenyi kose mkawuya malaya kwa mlimu Baali, mkaboilwa ni viro moregheshereghe ni malipo ghenyu.

HOSEA 9:11

Kudima kwa Israeli kuchainjika sa nyonyi yaburuka; ndekuchaakaia na kuva wana angu kukaia na kifu, hata kungilwa ni kifu.

AMOSI 3:14

“Ituku niwikabagha wandu wa Israeli kwa wundu ghwa kaung'a rawo, nicharitotesha madhabahu ra Betheli. Nicharichikanya mbembe rose ra madhabahu hata andoenyi.

ZEFANIA 1:4

“Nichawikaba wandu wa Juda na wandu wa Jerusalemu. Nichatotesha wutasi ghwa Baali chiaimweri na wakohani waro wetasa milimu.

MABONYO GHA WADUMI 19:27

Na ndengwa yakaia, si kwa wundu ghwa kazi yedu kumenywa, ela hata na hekalu ya ghuja mlungu ghwa waka Aritemi ichawuya kilambo cha kisha; nao moni wori uchaserwa kwa wubaa ghwake; uo utaswagha ni wandu wose wa Asia na wurumwengu mlazi.”

JOSHUA 7:2

Joshua ukaduma wandu kufuma Jeriko wighende Ai, muzi ghuko cha mashariki ya Betheli kaavui na Beth-aveni ukighamba, “Jokenyi mzighane jija isanga.” Wandu wikaghenda wikajizighana ijo isanga.

WATANYI 18:24

Ukawitumbulia, “Mwawusa milungu yapo nereibonyereghe na mkohani mkaghenda; da niki nasighwa nacho? Kwaki munikotiagha ‘Ni wada?’”