HOSEA 10:3 - Biblia Ilagho Jiboie Kwa Wandu Wose

³ Kafwani koni awandu wichakaia wikighamba, “Ndediwadie mzuri, kwa kukaia ndederemuobueghe BWANA; ela kukakoni uo mzuri wadibonyeragha kii?”

HOSEA 10:3 ပူးပေါင်းရင်းမြစ်များ

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

2 WAZURI 15:13

Mwaka ghwa mirongo idadu na ikenda ghwa kubonya nguma kwa Uzia mzuri wa Juda, niko Shalumu mwana wa Jabeshi orezoeghe kubonya nguma. Ukabonya nguma Samaria kwa mori ghumweri.

ZABURI 118:9

Ni nicha kumrumiria BWANA, kuchumba kukusaghika na wabaa.

ZABURI 12:4

awo wighambagha, “Dichawisima kwa kukudederie diweni; deko na memu yedu, nani uchaadibonyera nguma?”

ISAYA 5:19

Awo wighambagha, “Ndeshashire kubonya agho ughorie, dipate kuriwona kazi rake; kidali cha Mweli wa Israeli ndechikatie, eri dipate kuchimanya.”

HOSEA 10:15

Huwo niko mchaabonyerwa inyo, wandu wa Betheli, kwa wundu ghwa ugho wuwiwi ghonyu m'baa moreghubonyereghe. Wuda ghukazoya woruwu, mzuri wa Israeli uchabwaghwa.”

HOSEA 10:7

Mzuri wa Samaria uchatota, sa kipande cha mudi chadwalwa ni machi.

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.

HOSEA 13:10

Morekoghe mkilomba mzuri na vilongozi. Da widima wada kuikira iyo mbari?

HOSEA 13:11

Namnekie wazuri kwa machu ghapo, na kwa lubio ngawiinja noko.

HOSEA 3:4

Wandu wa Israeli wichakaia wisewadie mzuri angu m'baa ungi kwa matuku mengi; wiseko na kufunya vizongona, hata nguro ya wueli, hata milimu na fwana na naivera.

MIKA 4:9

Idana kuliliaki nandighi huwu? Kwaki kujagha wasi sa muka ukumbagha lufu lova? Ni angu kusewadie mzuri? Mnjama wako oofwa?

JOHANE 19:15

Wikawusira chwaka rawo, “Mwinje noko! Mwinje noko! Msulubishe!” Pilato ukawizera, “Nimsulubishe Mzuri onyu?” Wakohani wabaa wikatumbulia, “Isi ndediwadie mzuri ungi, ela Kaisari moni.”

1 SAMUELI 12:25

Ela mkabonya maza rizamie, BWANA uchamtotesha inyo na mzuri onyu wori.”