HOSEA 10:2 - Biblia Ilagho Jiboie Kwa Wandu Wose

² Wandu wiko na ngolo ra mikalo suti wipato ni wasi kwa wundu ghwa wuwiwi ghwawo. BWANA ucharichikanya madhabahu rawo, na kurinona nguro rawo retasa.

HOSEA 10:2 ပူးပေါင်းရင်းမြစ်များ

1 WAZURI 18:21

Elija ukasoghoda kaavui na wandu wose ukaghamba, “Wele mdua andenyi ya maghesho awi hata lii? Ikakaia BWANA ni Mlungu mtasenyi; ela ikakaia ni Baali uko Mlungu, basi mtasenyi.” Awo wandu wikanyama kima.

KUFUMA 23:24

Msakeghoghoma kuitasa milungu yawo, hata msakenugha mizango yawo ya dini; ela mchanona na kuchikanya putu andu kwawo kotasira.

MAKATANISHO 11:18

Mundu mmbiwi wadapata mafungu gha mikalo yake, ela uo ubonyagha hachi oko na loli epata mafungu mecha.

ISAYA 44:18

Wandu awo ndewiichi ilagho jingi, hata ndewimanyagha; kwa kukaia meso ghabwaghilo wisewone, na akili rawo rafue ndewitambukilwagha.

JEREMIA 43:13

Ucharinona fwana retasa riwikilo Heliopolisi aho Misri, na kurikora hekalu ra milungu ya Misri.”

EZEKIELI 14:5

nipate kurighalua ngolo ra wandu wa Israeli cha kwapo, awo wilaghashiro na kufuma kwapo kwa wundu ghwa iyo milimu yawo.

HOSEA 12:11

Sena milimu yaawuyataswa aho Gileadi, na awo wiitasagha wichafwa. Njau raawuyabwaghwa rikaie vizongona aho Gilgali, na madhabahu rawo wori richanoneka putu.”

HOSEA 13:16

Suti Samaria ikabo kwa wundu ghonilegha. Wandu wake wichafwa wudenyi; wana wawo wichabarilwa ndonyi, na waka wawo wiko na vifu wicharashulwa.”

HOSEA 3:4

Wandu wa Israeli wichakaia wisewadie mzuri angu m'baa ungi kwa matuku mengi; wiseko na kufunya vizongona, hata nguro ya wueli, hata milimu na fwana na naivera.

HOSEA 7:8

BWANA waghamba, “Wandu wa Israeli weeka sa mkate ghuseghalusiro kwa wundu ghosuwiria kwa wandu wa iro mbari.

WALAWI 26:30

Nichakunona andu konyu kwa ighu kotasira, na kughinona madhabahu ghenyu ghefukiria marumba; nicharikumba gharia ra mimbi yenyu aighu ya milimu yenyu ifue; nichazamilwa ni inyo.

MIKA 5:13

Nichainona milimu yako na nguro rako ra magho retasa; hata ndekuchaatasa kilambo chingi kuchibonyere anduangi.

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

ZEKARIA 13:2

Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu.

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

LUKA 16:13

Ndekuwadie mdumiki ungi udimagha kuwidumikia weke bwana wawi, angu uchazamilwa ni uhu, na kumkunda uja, angu uchakufunya kwa uhu, na kummenya uja. Ndemdimagha kumdumikia Mlungu na mali anduangi.”

JAKOBO 1:8

angu mundu wa nia iwi, ndemangagha kwa chia rake rose.

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

1 JOHANE 2:15

Msakeghukunda wurumwengu, hata vilambo va wurumwengu; ngera mndungi waghukunda wurumwengu, kumkunda uja Aba ndekuko andenyi kwake anduangi.

1 SAMUELI 5:4

Ela ituku jinughie iji werewukieghe nakesho, wikammbona Dagoni ughue kiwushu-wushu andonyi imbiri ya Sanduku ya BWANA; chongo chake na mikonu yake vimerie kukenyuka aho kizingitinyi cha mnyango; na kilughadi chake chasigharika chiekeri.