HOSEA 10:14 - Biblia Ilagho Jiboie Kwa Wandu Wose

¹⁴ Kwa huwo izungu ja wandu wa wuda jichacha aighu ya wandu wenyu, na ngome renyu rose richanonwa. Ichakaia seji Mzuri Shelmani orenonieghe muzi ghwa Beth-abeli ngelo ra wuda; weke mao na wana wawo wikabwaghwa.

HOSEA 10:14 ပူးပေါင်းရင်းမြစ်များ

HOSEA 13:16

Suti Samaria ikabo kwa wundu ghonilegha. Wandu wake wichafwa wudenyi; wana wawo wichabarilwa ndonyi, na waka wawo wiko na vifu wicharashulwa.”

HABAKUKI 1:10

“Wadawimenya wazuri na kuwiseka wabaa; ndekuwadie ngome ingi idimagha kuwitangala; wadaitumbanyira ndoe kitungu na kuiwada.

NAHUMU 3:12

Ngome rako rose reeka sa mtini ghuko na tini ra imbiri riwurue; ghukasughuswa, richapotokia momunyi kwa uo ujagha.

NAHUMU 3:10

Ela sena wandu wa Thebesi wikadwalwa wunyika; wana wake watini werekoghe wikikabwa na kubwaghwa kutuonyi kwa kona ya kula chia. Wandu wake wikumikie wa ishima werefungiloghe na minyororo, wikawaghwa kwa kukabilwa kura ni awo wandu werewidwaeghe wunyika.

AMOSI 9:5

BWANA Uwadie-Ndighi-Rose wadaadada ndoe nao isughusike; wandu wose wikaiagha aho walila. Wurumwengu ghose ghwawuka na kusea sa Moda ghwa Naili.

AMOSI 3:8

Shimba yameria kururuma; nani useobuagha? BWANA wameria kughora; ni mlodi uao usefunyagha wulodi?”

JEREMIA 48:41

mizi ichawuswa, na ngome richawadwa. Ngolo ra mang'oni gha Moabu ituku ijo richawuya sa ngolo ya muka ukumbagha lufu lova.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

ISAYA 17:3

Ngome ya Israeli ichainjwa na wuzuri ghwa Dameshki ghuchasia, na masighariko gha wandu wa Siria wichasowelwa ishima sa wandu wa Israeli, ini BWANA wa majeshi naghamba.”

2 WAZURI 18:33

Mwawonie jingi mlungu ghungi ghwa mbari ingi ghuvuvue isanga jake nisejikabe ini mzuri wa Ashuru?

2 WAZURI 17:16

Wikarisigha sharia rose ra BWANA Mlungu wawo, na kukubonyera weni milimu ichanilo ya ngache iwi; wikabonya mlungu ghwa waka Ashera, na kutasa nyerinyeri, na kumdumikia Baali.

KUZOYA 32:11

Kunikire nakulomba, kunikire nisekabo ni mwanidu, uo mwanidu Esau; angu namuobua na ndighi usechedibwagha isi diwose, wana na weke mae.

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

2 WAZURI 17:3

Shalmaneseri mzuri wa Ashuru ukajoka kulwa nao, na Hoshea ukakufunya kwake, ukakaia ukimlipa kodi.

HOSEA 10:15

Huwo niko mchaabonyerwa inyo, wandu wa Betheli, kwa wundu ghwa ugho wuwiwi ghonyu m'baa moreghubonyereghe. Wuda ghukazoya woruwu, mzuri wa Israeli uchabwaghwa.”

AMOSI 3:14

“Ituku niwikabagha wandu wa Israeli kwa wundu ghwa kaung'a rawo, nicharitotesha madhabahu ra Betheli. Nicharichikanya mbembe rose ra madhabahu hata andoenyi.

MIKA 5:11

Nichaitotesha mizi ya isanga jako na kuchikanya mawurigha ghako.