HOSEA 10:11 - Biblia Ilagho Jiboie Kwa Wandu Wose

¹¹ “Israeli orekoghe sa ng'ombe ya irika ifundishiro kufasha ngano. Ela nawonie nimngirie ghongolo ya singo yake ighokie, nipate kumfundisha kazi rikurie. Juda uchachimba na ighembe, na Israeli uchabara malowa.

HOSEA 10:11 ပူးပေါင်းရင်းမြစ်များ

ISAYA 28:24

Welee, uo ulimagha eri upate kuwa mbeu wadalima ngelo rose? Welee, uchakaia ukiibubula ndoe ngelo rose?

JEREMIA 28:14

Ini BWANA, uo Mlungu wa Israeli naringirie mbari iri rose ra wandu ghongolo ya chuma, ripate kumdumikia Nebukadnezari mzuri wa Babuloni; nawo wichamdumikia, kwa kukaia namnekie hata nyamandu ra isakenyi.’”

JEREMIA 46:20

Misri ni sa tagho ya ng'ombe ighokie nandighi, yalumwa ni izi ya ng'ombe yafuma kaskazinyi.

JEREMIA 50:11

BWANA waghamba, “Hata ngera mwaboilwa na kukujosa ee wandu wa Babuloni; inyo mmbwadagha na kusoka mbari ya wandu wa ifwa japo; hata ngera mwarama-rama sa tagho ya ng'ombe ifashagha ngano, na kukema sa farasi ya womi,

HOSEA 11:4

Nerewirudieghe cha kwapo kwa wughoma, ngawimaziria kwa lukundo; ngakaia kwawo sa mundu ufunguagha ghongolo kufuma singonyi kwawo, ngaghomeka nipate kuwijisha.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

HOSEA 3:1

BWANA ukanizera, “Ghenda sena kuwonyera lukundo kwa uo muka wawuyabonya wulaki na mkundwa wake. Suti kumkunde sa iji koni ini niwikunde wandu wa Israeli, hata ngera waghalukie na kuitasa milungu mizima, na kukunda kufunya mikate ya zabibu riomie rikaie vizongona kwa milimu.”

HOSEA 4:16

Wandu wa Israeli weeka sa ng'ombe ing'etere; da ini BWANA nidima kumlela wada sa wana wa ng'ondi a mlambenyi?

HOSEA 9:1

Wandu wa Israeli, msebonye ndima mkiboilwa sa wandu wa iro mbari. Inyo mwaghalukie mkamsigha Mlungu onyu, hata ndemkaie waloli kwake anduangi. Mwakuuzire isangenyi kose mkawuya malaya kwa mlimu Baali, mkaboilwa ni viro moregheshereghe ni malipo ghenyu.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

WAROMA 16:18

Angu wandu sa awo ndewimdumikiagha Bwana odu Jesu Kristo, ela wadadumikia vifu vawo veni; na kwa malagho ghidendere ghesesea-sesea, wawikalia wandu wisemanyagha.

WUKUMBUSO 25:4

“Kusakefunga ng'ombe momu ikikuwida viro.