HOSEA 1:6 - Biblia Ilagho Jiboie Kwa Wandu Wose

⁶ Nao Gomeri ukapata kifu sena, ukava mwana wa waka. BWANA ukamzera Hosea, “Mmbange ‘Usekundo,’ angu sichaakaia na lukundo kwa wandu wa Israeli wei niwifuye wughoma.

HOSEA 1:6 ပူးပေါင်းရင်းမြစ်များ

2 WAZURI 17:20

na BWANA ukasigha kivalwa chose cha Israeli, ukawitirira kwa kuwisigha wingie mikonunyi kwa wakorongi hata wafuma putu usewiwoneghe.

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

HOSEA 1:8

Gomeri uendamfunya Usekundo mariwa, ukapata kifu, ukava mwana wa womi.

HOSEA 2:23

Nichawimangisha wandu wapo isangenyi, na kuwibonya wiwone mecha. Nichawiwonyera lukundo kwa awo werewangiloghe ‘Wisekundo;’ kwa awo werewangiloghe, ‘Si wandu wapo wangi.’ Nichaghamba, ‘Mo wandu wapo’ nawo wichatumbulia ‘Ko Mlungu odu.’”

HOSEA 2:4

Wokoni sichaawifuya wana wake wughoma, kwa kukaia ni wana wa wumalaya.

AMOSI 7:8

Nao BWANA ukanizera, “Kwawuyawona kii Amosi?” Ngamtumbulia, “Naawuyawona kabiro.” Niko BWANA ukaghamba, “Ola naawuyatumia kabiro kuwonyera kukaia aghadi ya wandu wapo Israeli weekomeka sa wurigha, sichaawisigha nisewikabie anduangi.

AMOSI 9:8

Olenyi ini Bwana MLUNGU naawuyazighanira wandu wa ughu wuzuri ghwa Israeli ghubonyagha kaung'a, nani nichawitotesha wifume ndoenyi; elaima sichaawitotesha wandu wa kivalwa cha Jakobo putu anduangi.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.