HOSEA 1:4 - Biblia Ilagho Jiboie Kwa Wandu Wose

⁴ BWANA ukamzera Hosea, “Mmbange irina jake Jezreeli, angu yasighwa ngelo ndinieri, nani nichamkaba Mzuri Jehu kwa wundu ghobwagha wandu Jezreeli, nani nichaghumeria wuzuri ghwa wandu wa Israeli.

HOSEA 1:4 ပူးပေါင်းရင်းမြစ်များ

2 WAZURI 10:1

Ahabu orevaeghe wana wa womi mirongo mfungade aho Samaria. Niko Jehu ukaandika barua ukaiduma kwa wabaa wose wa muzi ghwa Samaria, na wareri wose wa wana wa Ahabu, ukighamba,

2 WAZURI 10:17

Jehu uendavika Samaria, ukabwagha wandu wose weresigharikieghe wa Ahabu aho Samaria, ukawimeria wose kunughana na ilagho ja BWANA oremghorieghe mlodi Elija.

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

2 WAZURI 15:8

Mwaka ghwa mirongo idadu na wunyanya ghwa kubonya nguma kwa Uzia mzuri wa Juda, niko Zekaria mwana wa Jeroboamu orebonyereghe nguma aighu ya Israeli aja Samaria kwa meri irandadu.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

ISAYA 8:3

Niko ngamghendia uja mlodi wa waka mkwapo, nao ukapata kifu, ukava mwana wa womi. BWANA ukanizera, “Mmbange, ‘Maher-shalal-hash-bazi;’

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 20:3

Nakesho yaro, Pashuri uendanifungua ngamzera, “BWANA ndewangagha irina jako Pashuri, ela wadajiwanga ‘Wowa Kula Andu.’

JEREMIA 23:2

BWANA uo Mlungu wa Israeli waghamba huwu aighu ya wabonyi nguma wiwilindiagha wandu wapo, “Mwasaghisire wandu wapo na kuwiwinga noko; hata ndemuwizighanire anduangi. Olenyi nichamkaba kwa wundu ghwa mabonyo ghenyu ghizamie.

JEREMIA 3:8

Juda wawonie putu kukaia, namnekie Israeli barua etana nao kwa wundu ghwa wulaki ghwake, ela nao moni kwa kusowa wuloli ukalemwa ni kuobua; ukafuma na kubonya wumalaya.

EZEKIELI 23:10

Wandu awa weremrueghe nguwo na kumsigha duu, wikawiwada wana wake wa womi na wa waka, na kum'bwagha uo moni kwa lufu; na nyuma ya uko kutanywa kwake, ukawuya lughano kwa waka.

EZEKIELI 23:31

Kwanughie chia ra mwanyinyu; kwa huwo nichakunyosha kikombe cha ikabo jake.”

HOSEA 1:6

Nao Gomeri ukapata kifu sena, ukava mwana wa waka. BWANA ukamzera Hosea, “Mmbange ‘Usekundo,’ angu sichaakaia na lukundo kwa wandu wa Israeli wei niwifuye wughoma.

HOSEA 1:9

BWANA ukamzera Hosea, “Mbange, ‘Si wandu wapo kungi’, kwa kukaia wandu wa Israeli si wapo kungi, na ini se Mlungu wawo kungi.”

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

HOSEA 2:22

na ndoe ichava viro, na zabibu, na zeituni kwa wungi.

HOSEA 9:17

Mlungu wapo nimdumikiagha uchawiinja noko, kwa kukaia waleghie kumsikira, nawo wichakaa wikimara-mara aghadi ya iro mbari.

AMOSI 9:8

Olenyi ini Bwana MLUNGU naawuyazighanira wandu wa ughu wuzuri ghwa Israeli ghubonyagha kaung'a, nani nichawitotesha wifume ndoenyi; elaima sichaawitotesha wandu wa kivalwa cha Jakobo putu anduangi.

MATHAYO 1:21

Nao uchava mwana wa womi, na oho kuchammbanga irina jake Jesu, angu nuo uchaawikira wandu wake kufuma kaung'enyi rawo.”

LUKA 1:13

Ela uja malaika ukamzera, “Kusakeobua Zakaria, kwa kukaia malombi ghako ghasikirikie, na mkako Elizabeti uchakuvaia mwana wa womi, na oho kuchammbanga Johane.

LUKA 1:31

Ola kuchakaia na kifu, kuve mwana wa womi, nao kuchammbanga irina jake Jesu.

LUKA 1:63

Nao ukalomba kibau cheandikia, ukaandika, “Irina jake ni Johane.” Na wose wikashinika.

JOHANE 1:42

Ukamghenja kwa Jesu. Nao Jesu ukamzighana ukaghamba, “Oho ko Simoni mwana wa Johane, ela kuchawangwa Kefa” (kutambua kwaro ni Petro, angu Igho.)

JOSHUA 19:18

Isanga jake jerekoghe ni Jezreeli, Kesulothi, Shunemu,