HOSEA 1:2 - Biblia Ilagho Jiboie Kwa Wandu Wose

² Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

HOSEA 1:2 ပူးပေါင်းရင်းမြစ်များ

2 MALAGHO GHA NGELO 21:13

Kwanughie mfwano gha wazuri wa Israeli na kuwilongoza wandu wa Juda na Jerusalemu wisowe wuloli seji nyumba ya Ahabu erewilongozereghe wandu wa Israeli wikasowa wuloli. Wokoni kukawibwagha wanyinyu tiki, awo werekoghe wecha kukuchumba.

ZABURI 106:39

Wikakulusha weni kwa mabonyo ghawo, wikasowa kukaia waloli kwa Mlungu.

ZABURI 73:27

Awo wikuleghagha, loli wichatota; na awo wiseko waloli kwako, kuchawisaghisa.

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 2:23

Kwadima wada kughamba, ‘Ini silushiro, ini sinughie weke Baali?’ Zighana chia rako aja vololonyi, kuwone seji kubonyere. Kooka sa ngamila ya waka, ikimbiagha ii chia na ii chia.

JEREMIA 3:9

Orewonieghe wumalaya kukaia ilagho jiangue kwake, ukanona isanga kwa kubonya wulaki ghotasa magho na midi.

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

HOSEA 2:7

Uchawinugha wakundwa wake, ela ndechaawipata; niko aho uchaghora, ‘Nichammburia mndwawomi wapo wa imbiri, kwa kukaia nerekoghe nicha kwake kuchumba idana.’

HOSEA 3:1

BWANA ukanizera, “Ghenda sena kuwonyera lukundo kwa uo muka wawuyabonya wulaki na mkundwa wake. Suti kumkunde sa iji koni ini niwikunde wandu wa Israeli, hata ngera waghalukie na kuitasa milungu mizima, na kukunda kufunya mikate ya zabibu riomie rikaie vizongona kwa milimu.”

HOSEA 5:3

Namwichi Israeli loli-loli, ndevisikie kwapo anduangi. Wasowie kukaia na wuloli kwapo, na wandu wake ndewifwanagha kunitasa.”

MARKO 1:1

Uku niko kuzoya kwaro Ilagho Jiboie ja Jesu Kristo, Mwana wa Mlungu,

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

2 PETRO 2:14

Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.

WUFUNUO 17:5

Na chamunyi kwake, koreandikiloghe irina ja ngasu huwu: “BABULONI M'BAA, MAE WA MALAYA, NA MAZA RIZAMIE RA NDOENYI.”