HAGAI 2:9 - Biblia Ilagho Jiboie Kwa Wandu Wose

⁹ Wubaa ghwa Hekalu mbishi ghuchakaia mungi kuchumba ghuja ghwa kala, na aho nichawineka wandu wapo mecha na sere.” BWANA Uwadie-Ndighi-Rose waghamba.

HAGAI 2:9 ပူးပေါင်းရင်းမြစ်များ

ISAYA 60:7

Ng'ondi rose ra Kedari richaredwa kwako, na bauru ra Nebaiothi richafunywa kwa wudumiki ghwa BWANA; naro richarumirilwa kukaia kizongona aighu madhabahunyi kwake, nao uchaipamba Hekalu yake ikumikie na wubaa mungi.

ISAYA 66:12

BWANA waghora huwu, “Olenyi nichachuria mecha ghake sa moda, na mali ra iro mbari ra wandu richakuchea sa moda ghwa machi mengi, nenyo mchaonga sa mwana wawadilwa ukishishilwa a mangonyi ni mae.

EZEKIELI 43:5

Niko Roho wa BWANA ukaniwusira na kunireda andenyi ya waza ya nandenyi, ngawona ugho wubaa ghwa BWANA ghwachura Hekalu yose.

MIKA 5:5

Mundu uo uchareda sere. Muashuri ukawada isanga jedu, na kuchikanya mawurighenyi kodu, dichamdumia vilongozi viwadie ndighi kumchumba wilo nao.

HAGAI 1:8

Jokenyi mighondinyi mrede mbau, muiaghe Hekalu; nani nichaboilwa na kutaswa andenyi yaro.

HAGAI 2:3

“Oko mndungi aha aghadi konyu udimagha kukumbuka seji wubaa ghwa Hekalu ghorekoghe? Ghwawuyawoneka wada konyu idime? Yaawuyawoneka seji si kindo chingi.

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

LUKA 2:14

“Wubaa ghukaie kwa Mlungu aighu na ndighi, na sere andoenyi kwa wandu; awo uboilwagha nawo!”

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 14:27

“Namsighia sere, sere yapo namneka, simnekagha seji wurumwengu ghubonyagha. Msakeja wasi ngolonyi konyu, hata msakeobua.

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

JAKOBO 2:1

Wanidu, inyo muko warumirii wa Bwana Jesu Kristo, uo Bwana wa wubaa, msekaie wesaghua-saghua wandu.