HAGAI 2:3 - Biblia Ilagho Jiboie Kwa Wandu Wose

³ “Oko mndungi aha aghadi konyu udimagha kukumbuka seji wubaa ghwa Hekalu ghorekoghe? Ghwawuyawoneka wada konyu idime? Yaawuyawoneka seji si kindo chingi.

HAGAI 2:3 ပူးပေါင်းရင်းမြစ်များ

1 MALAGHO GHA NGELO 22:5

Kwa kukaia Daudi oreghambieghe “Mwana wapo Solomoni ni mkoo, ndeichi malagho, na iyo Hekalu iaghilwagha Mlungu suti ikaie mbaa loli-loli, ikumikie iko na sare mbaa isangenyi kose; ini nichaitumbanyira vilambo.” Kwa huwo Daudi orefunyireghe vilambo vingi veiagha imbiri usefue.

EZRA 3:11

Nawo wikabora kwa kudikiana wikikasa na kumfunyira BWANA chawucha huwu: “BWANA ni mucha, angu lukundo lwake kwa Israeli, lwadua matuku ghose.” Na wandu wose wikakema wikimkasa BWANA kwa lwaka lubaa, kwa kukaia msingi ghwa Hekalu ghorekoghe ghwazolwa.

EZRA 3:12

Ela wengi wa wakohani na Walawi na wabaa wa vichuku, na waghosi awo wereiwonieghe Hekalu ya imbiri, werelilieghe kwa lwaka lubaa iji waghuwona msingi ghwa Hekalu ihi ghukiaghwa; ela wazima werekoghe wikikema kwa kuboilwa.

ISAYA 64:10

Mizi yako ya wueli eewuya sa kireti, Sioni eewuya kireti, Jerusalemu ikasighwa duu.

EZEKIELI 7:20

Werekukasireghe duu na mapambo ghawo ghighokie, wikabonya nagho milimu yawo ya wuchafu; kwa huwo nichaghighalua ghiwuye kilambo chiseelie kwawo.

HAGAI 2:9

Wubaa ghwa Hekalu mbishi ghuchakaia mungi kuchumba ghuja ghwa kala, na aho nichawineka wandu wapo mecha na sere.” BWANA Uwadie-Ndighi-Rose waghamba.