FILEMONI 1:14 - Biblia Ilagho Jiboie Kwa Wandu Wose

¹⁴ Ela neewona nisebonye ilagho jingi kuserumirie; isechekaia wucha ghwako kwaaghubonya kwa suti, ela ikaie ni kwa kukunda kwako kumoni.

FILEMONI 1:14 ပူးပေါင်းရင်းမြစ်များ

1 MALAGHO GHA NGELO 29:17

Mlungu wapo naichi kukaia oho kwatimagha ngolo, na kuboilwa ni wandu wecha kwa ishima na kwa wucha ghwa ngolo nakufunyira vilambo ivi vose kwa ngolo, nani nawona wandu wako wiko aha wikikufunyira kwa ngolo na kuzuma.

ZABURI 110:3

Ituku kulwagha na wamaiza wako, wandu wako wichakufunya cha kwako. Wandu wako wa irika wichakuchea sa mami gha luma lwa nakesho aighu ya mighondi ya wueli.

1 WAKORINTHO 9:17

Angu ngajichila kwa kukunda kwapo koni, nisuwiria mafungu; ela naawuyajichila kwa kukaia ni kazi yapo, angu Mlungu uninekie ugho wudumiki nighubonye.

1 WAKORINTHO 9:7

Nani udumikagha sa asikari kwa gharama rake moni? Nani uwagha mizabibu usejagha matunda gharo? Nani ulishagha mfugho usenywagha mariwa?

2 WAKORINTHO 1:24

Si angu wei daawuyajibonyera nguma irumirio jenyu, ela dabonya kazi chiaimweri nenyo kwa wundu ghwa kuboilwa konyu, angu inyo mwamange kwa irumirio jenyu.

2 WAKORINTHO 8:12

Ikakaia ngolo efunya eko, icheni mundu uko nacho, nicho cheni chirumirilwagha ni Mlungu; hata si icho usewadie anduangi.

2 WAKORINTHO 9:5

Niko ngawona ni suti niwishashire awa wanidu wikirie, na kubonya mipango kiimbiri aighu ya ijo inosi mlaghirie; eri jiwiko nicha sa inosi jifunyiro kwa ngolo, hata si kwa kufungishwa ndighi anduangi.

2 WAKORINTHO 9:7

Kula mundu ndebonye sa iji koni uririkanyire ngolonyi kwake; si kwa kuzughunuka, hata kwa kufungishwa ndighi anduangi, angu Mlungu wamkunda uhu ufunyagha kwa kuboilwa.