EZRA 9:3 - Biblia Ilagho Jiboie Kwa Wandu Wose

³ Niendasikira maza iro, ngarashua nguwo rapo, na kukua iridia japo na sombe rapo; ngasea kidombo kwa wasi.

EZRA 9:3 ပူးပေါင်းရင်းမြစ်များ

2 SAMUELI 1:11

Niko Daudi na wandu wose werekwanyeghe nao wikarashua nguwo rawo kuwonyera wasi.

2 WAZURI 18:37

Niko Eliakimu mwana wa Hilkia, uo orekoghe mzighaniri wa ngome ya mzuri, na Shebna, uo orekoghe karani, na Joa mwana wa Asafu muandiki, wikaghenda na nguwo rawo wameria kurirashua kwa wasi, wikamghoria Hezekia malagho ghose ghighorelo ni uja m'baa wa majeshi.

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

NEHEMIA 13:25

Ngawirasha na kuwiwasira njowe; ngakaba wamu wawo na kuwikokota maridia ghawo; nao ngawighemesha kwa irina ja Mlungu ngighamba, “Msakeloworana na waghenyi angu inyo mmbeni kulowua waka wa mzawo.

AYUBU 1:20

Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

ZABURI 119:53

Ngawona wawiwi wikiinona Sharia yako, nadajokwa ni machu nandighi.

ZABURI 143:4

Kwa huwo nafwa ngolo, na kukambwa ni chongo.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

ISAYA 15:2

Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

JEREMIA 36:24

Sena mzuri chiaimweri na wadumiki wake awo werekoghe wikisikiria agho malagho, ndewereobueghe hata kurashua nguwo rawo anduangi.

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

EZEKIELI 3:15

Ngacha kwa waja wandu weredwaloghe wunyika aja Telabibu, awo werekoghe wikikaia kaavui na Moda ghwa Kebari. Ngakaia aho matuku mfungade nilemero nandighi ni agho nereghiwonieghe na kughisikira.

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

DANIELI 4:19

Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

WALAWI 21:5

“Mkohani ungi usedumbuo iridia jake, hata sombe rake, angu kukudema-dema mumbi ghwake kwa kuwonyera wei oko na wasi ghofuilwa.

MIKA 1:16

Inyo wandu wa Juda, arenyi vongo venyu muwililie wana wenyu muwikunde; arenyi vongo venyu mkangaluke sa indu, kwa kukaia wana wenyu wichadwalwa wunyika kufuma konyu.

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.