EZRA 9:2 - Biblia Ilagho Jiboie Kwa Wandu Wose

² Wayahudi walowue wai wamu wawo; mbari ya wueli ikakuranganya na waisanga wa aha. Vilongozi na wabaa niwo wa imbiri kubonya maza iri.

EZRA 9:2 ပူးပေါင်းရင်းမြစ်များ

KUZOYA 6:2

wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe.

1 WAZURI 11:1

Mzuri Solomoni orekoghe warirwa ni waka wengi wa kighenyi kula na uja mwai wa mzuri wa Misri oremlowueghe. Ukalowua waka kufuma Moabu, na Amoni, na Edomu, na Sidoni, na kwa Wahiti.

EZRA 10:2

Niko Shekania mwana wa Jehieli wa Kichuku cha Elamu ukamzera Ezra, “Damerie kuchikanya malaghiro ghedu na Mlungu kwa kulowua waka wa kighenyi; ela hata huwo saki, isuwirio kwa Israeli jaduagha aeni.

EZRA 9:12

Weredighorieghe diseloworane nawo, hata diselole kupatana nawo angu kuwilolia mecha ghangi ghawo; dipate kukaia na ndighi, na kuja manori gha isanga na kujisighia wana wedu; jikaie ifwa jawo ja kala na kala.

EZRA 9:14

Idana ikaia wada isi dimenye memu yako kwa kuloworana na awa wandu wawiwi? Dikabonya huwo kuchawawa nandighi hata kuditoteshe na mndungi usedime kukaia moyo.

NEHEMIA 13:17

Niko ngarashana na vilongozi va Wayahudi ngawizera, “Ni wuwiwiki ughu m'bonyagha ghwa kuilusha Sabato?

NEHEMIA 13:28

Joiada orekoghe mwana wa Mkohani m'baa Eliashibu ela mwana umu wa Joiada oremlowueghe mwai wa Sanbalati, kufuma muzi ghwa Beth-horoni, kwa huwo ngammbinga ufume Jerusalemu.

KUFUMA 19:6

nenyo mchakaia kwapo wuzuri ghwa wakohani, na mbari ya wueli. Agha nigho malagho kuchaawighoria wana wa Israeli.’”

KUFUMA 22:31

“Inyo mwawikilo wakfu mkaie wapo kwa huwu mseje nyama ibwaghilo ni nyamandu ya isakenyi; ela nyama iyo muineke koshi.

KUFUMA 34:16

Wana wenyu wadima kulowua awo waka wa kighenyi, nawo wicham'bonya msekaie waloli kwapo, hata mdime mwatasa milungu yawo.

ISAYA 6:13

Hata ukasigharika mundu umweri kwa ikumi, huwo saki uchatoteshwa sa mvinje angu mwaloni ghwademwa, na kishiki charo chisigharike kimusi.” Mbeu ielie nicho kishiki charo.

WALAWI 21:15

eri wana wake wisechetalwa kukaia wiseelie aghadi ya wandu wake kwa wundu ghwa awo waka; Ini ne BWANA, nani namerie kumsaghua ukaie Mkohani M'baa.”

MALAKI 2:11

Wandu wa Juda wachikanyire ilaghiro jawo kwa Mlungu, na kubonya ilagho jizamie Jerusalemu na isangenyi kose. Juda wailushire Hekalu ya BWANA uikunde; wandu wake wikalowua waka wa kighenyi witasagha milimu.

MALAKI 2:15

Welee, Mlungu nderemfungieghe mkakaia kindo chimweri roho na mumbi? Makusudi ghake gherekoghe kii? Odekunda mpate wana wichaawuya wandu wa Mlungu kwa loli. Kwa huwo mlindie ungi onyu usechikanye malaghiro ghake, sena ukaie mloli kwa mkake.

1 WAKORINTHO 7:14

Angu uo mumi userumirie warumirilwa ni Mlungu kwa chia ya mkake, na muka userumirie warumirilwa kwa chia ya mumi wake. Ngera si huwo, kumangu wana wenyu ndewirumirilo; ela seji iko, warumirilwa.

2 WAKORINTHO 6:14

Msakefungwanya na wandu wiserumiriagha. Angu ghoko wungara ghwa indoki aghadi ya hachi na kiwiwi? Anguu, mwengere na kira vawadie wungara ghwa indoki?

WUKUMBUSO 14:2

Inyo mo wandu wa BWANA Mlungu onyu; wamsaghue aghadi ya wandu wose wa ndoenyi, mkaie wandu wake moni.

WUKUMBUSO 7:6

Angu inyo mo wandu msaghulo ni BWANA Mlungu onyu kufuma aghadi ya wandu wose wa ndoenyi; mkaie wake moni; nenyo mo wasaghulwa wa BWANA Mlungu onyu.

JOSHUA 22:15

Wikacha Gileadi kwa Wareubeni, na Wagadi, na nusu ya kichuku cha Manase wiko isanga ja Gileadi, wikawizera,

JOSHUA 23:12

Mkaghaluka na kukukwanya na masighariko gha wandu wisigharikie aha aghadi konyu, na kuloworana nawo wai wawo na wai wenyu,