EZRA 7:9 - Biblia Ilagho Jiboie Kwa Wandu Wose

⁹ Ezra orekoghe wazoya kujoka kufuma Babuloni ituku ja imbiri ja mori ghwa imbiri, na ituku ja imbiri ja mori ghwa kasanu, ukavika Jerusalemu, angu orenekeloghe ndighi ni Mlungu wake.

EZRA 7:9 ပူးပေါင်းရင်းမြစ်များ

EZRA 7:28

Narumirikie imbiri ya mzuri kwa mvono ghwa Mlungu; hata kwa wanjama wake, na wabaa wake wiwadie ndighi. BWANA Mlungu wapo waninekie wuwana ghodeda na kuwinyavurisha ngolo wabaa wa vichuku va Israeli wipate kuwuyanya na ini.”

EZRA 7:6

Uo Ezra, orejokieghe Jerusalemu kufuma Babuloni. Orekoghe mwalimu wa Sharia ukufudishire sharia ya Musa loli-loli, iyo BWANA Mlungu oreifunyireghe; mzuri ukamneka vose orelombieghe angu orekoghe na irasimio ja BWANA Mlungu wake.

EZRA 7:8

Ezra ukavika Jerusalemu mori ghwa kasanu ghwa ugho mwaka ghwa mfungade ghwa mzuri.

EZRA 8:18

Wikadidumia kwa mvono ghwa Mlungu, Sherebia, mundu uko na kudima, Mlawi wa Kichuku cha Mahli. Wana wake ikumi na wunyanya na waruna wikachanya nao.

EZRA 8:22

Nerefueghe waya kumlomba mzuri wei udineke ijeshi ja masikari na wajoki farasi wedilindia na wamaiza chienyi, kwa kukaia nerekoghe namzera mzuri huwu kukaia Mlungu odu wadawirasimia awo wose wimrumiriagha, ela wadazamilwa na kuwikaba awo wose wimleghagha.

EZRA 8:31

Ituku ja ikumi na iwi ja mori ghwa imbiri dikafuma Moda ghwa Ahava kughenda Jerusalemu. Mlungu odu orekoghe andwamweri nesi na kudilindia disekabo ni wamaiza na wandu wedilaliria chienyi.

EZRA 8:32

Dikavika Jerusalemu; dikahoresha kwa matuku adadu.

NEHEMIA 2:18

Ngawighoria seji Mlungu wapo orekoghe andwamweri nani ukanitesia, na agho nizerelo ni mzuri. Nawo wikarumiria wikighamba, “Ndedizoye kuagha.” Wikakaia tayari kuzoya kazi.

NEHEMIA 2:8

Wokoni ngalomba barua kwa Asafu mlindiri wa msidu ghwa mzuri; eri unineke midi ebonya misumbati ya mbenge reghenda cha Hekalunyi, na reagha wurigha ghwa muzi, na nyumba iyo nichaakaia. Mzuri ukanineka malombi ghapo, angu Mlungu orekoghe chiaimweri nani.

ZABURI 80:18

Niko disechaakusigha jingi; dikaishe moyo, nesi dichakukasa.

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”