EZRA 6:4 - Biblia Ilagho Jiboie Kwa Wandu Wose

⁴ Wurigha ghuagho malala adadu kwa magho mabaa, na ilala jimweri kwa mbau, na gharama raro rilipo ni mfuko ghwa wuzuri.

EZRA 6:4 ပူးပေါင်းရင်းမြစ်များ

1 WAZURI 6:36

Ukaagha waza ya nandenyi kwa magho ghiwachilo; kula laini idadu ra magho ghiwachilo ukaisa laini imweri ya mbau ra msida.

EZRA 3:7

Nao wandu wikafunya pesa kwa wundu ghwa mafundi gheagha magho na gheagha mbau; wikawighenjera wandu wa Sidoni na Tiro vindo na vinywaji na mavuda wiwiredie midi ya mierezi kufuma Lebanoni kwa bahari hata Jopa, kunughana na seji wererumiriloghe ni Koreshi mzuri wa Pashia.

EZRA 5:8

Dereghendieghe isanga ja Juda ee mzuri, dikakua Hekalu ya uo Mlungu m'baa ikiaghwa na magho mabaa na mbau rawikilo wurighenyi. Kazi iyo yawuyabonywa kwa wuya m'baa, nayo yawuyaendelia nicha.

EZRA 6:8

Aighu ya agho, namlaghira muwitesie kuiagha. Gharama raro rilipo ni mfuko ghwa wuzuri ripatikagha kufuma kwa kodi ipatikagha masanga gha magharibi ya Moda ghwa Eufrate, eri kazi isenono.

ZABURI 68:29

Wazuri wichakuredia manosi, kwa wundu ghwa Hekalu yako iko Jerusalemu.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

WUFUNUO 12:16

Ela ndoe ikamtesia uo muka na kunywa ugho moda ghorefumieghe momunyi kwa iyo choka.