EZRA 5:2 - Biblia Ilagho Jiboie Kwa Wandu Wose

² Niko Zerubabeli mwana wa Shealtieli na Jeshua mwana wa Jehosadaki wikawuya na kuzoya kuagha sena Hekalu iko Jerusalemu, na walodi waja wawi wikawitesia.

EZRA 5:2 ပူးပေါင်းရင်းမြစ်များ

EZRA 1:8

Ukavifunya ivo vilambo na kuvineka Mithredathi uo orekoghe m'baa wa mali ra wuzuri. Ukaandika mtalo ghwaro kwa wundu ghwa Sheshbaza m'baa wa Juda.

EZRA 10:18

Awa niwo wandu werelowueghe waka wa kighenyi, Wakohani kunughana na vichuku vawo; Kichuku cha Joshua na waruna wana wa Jehosadaki, Maaseia, Eliezeri, Jaribu na Gedalia.

EZRA 3:2

Jeshua mwana wa Jehosadaki, chiaimweri na wakohani wambao, na Zerubabeli mwana wa Shealtieli chiaimweri na wakwawo, wikawuka na kuiagha madhabahu ya Mlungu wa Israeli ekoria vizongona aighu yaro, seji iandikilo sharienyi ya Musa mundu wa Mlungu.

EZRA 3:8

Niko mori ghwa kawi, mwaka ghwa kawi nyuma ya kuwuya Jerusalemu andu Hekalu ya BWANA erekoghe, wikazoya kazi. Zerubabeli, Joshua, na waisanga wose, wakohani, na Walawi, hasa awo werewurieghe Jerusalemu kufuma wubarishonyi, wikangia kazinyi eagha. Walawi wose wa irika ja miaka mirongo iwi na kuchumba werebonyeroghe kukaia wazighaniri wa kazi eagha Hekalu sena.

EZRA 6:14

Vilongozi va Kiyahudi wikachuria kuagha na kuwona nicha kwa kusikira machilo gha Mlodi Hagai na Zekaria mwana wa Ido. Wikameria iaghi jawo sa iji koni werelaghiriloghe ni Mlungu wa Israeli, na kwa malaghiro gha Koreshi, na Dario, na Artashasta wazuri wa Pashia.

HAGAI 2:18

Idime ni ituku ja mirongo iwi na inya ja mori ghwa ikenda; ituku msingi ghwa Hekalu ghumerelo. Modezighaniragha agho ghichaakaia kufuma idime.

ZEKARIA 4:14

Niko ukaghamba, “Awa ni waja wandu wawi wishingilo mavuda wipate kumdumikia BWANA wa ndoenyi kose.”

ZEKARIA 4:4

Niko ngamkotia uo malaika, “BWANA wapo, maza iri kutambua kwaro niki?”

ZEKARIA 6:11

Kubonye kirumbu cha feza na dhahabu kwariwusa kwawo, nao kumrushe Mkohani M'baa Joshua mwana wa Jehosadaki chongonyi kwake.

ZEKARIA 8:9

“Kaienyi na ndighi! Idana mwawuyasikira malagho gha walodi wereghorieghe ingelo msingi ghwa Hekalu yapo ghorezolwagha kuaghwa sena.

2 WAKORINTHO 1:24

Si angu wei daawuyajibonyera nguma irumirio jenyu, ela dabonya kazi chiaimweri nenyo kwa wundu ghwa kuboilwa konyu, angu inyo mwamange kwa irumirio jenyu.