EZRA 5:16 - Biblia Ilagho Jiboie Kwa Wandu Wose

¹⁶ Niko uo Sheshbaza ukacha ukaagha misingi yaro, na kufuma ngelo iyo, kazi eagha yaduagha ikiendelea, nayo yaduagha isesirie.’

EZRA 5:16 ပူးပေါင်းရင်းမြစ်များ

EZRA 3:10

Nao iji waaghi wazoya kuagha msingi ghwa Hekalu, wakohani wikasoghoda imbiri wirwae maamba ghawo wiko na tarumbeta, na Walawi wa Kichuku cha Asafu, wiko na kayamba wipate kumkasa BWANA sa iji koni Daudi mzuri wa Israeli orefundishireghe.

EZRA 3:8

Niko mori ghwa kawi, mwaka ghwa kawi nyuma ya kuwuya Jerusalemu andu Hekalu ya BWANA erekoghe, wikazoya kazi. Zerubabeli, Joshua, na waisanga wose, wakohani, na Walawi, hasa awo werewurieghe Jerusalemu kufuma wubarishonyi, wikangia kazinyi eagha. Walawi wose wa irika ja miaka mirongo iwi na kuchumba werebonyeroghe kukaia wazighaniri wa kazi eagha Hekalu sena.

EZRA 5:14

Ukavifunya vombo va dhahabu na feza, ivo Nebukadnezari orevidwaeghe kufuma Hekalunyi iyo erekoghe Jerusalemu na kuvighenja hekalunyi ya milungu yake Babuloni, ukavineka mndumu orewangwagha Sheshbaza uo oremmbikieghe m'baa wa isanga ja Juda.

EZRA 5:15

Ukamzera, “Wada ivi vombo kughende kuviwike Hekalunyi iko Jerusalemu, na Hekalu iyo iagho aeni erekoghe.”

EZRA 5:2

Niko Zerubabeli mwana wa Shealtieli na Jeshua mwana wa Jehosadaki wikawuya na kuzoya kuagha sena Hekalu iko Jerusalemu, na walodi waja wawi wikawitesia.

EZRA 6:15

Hekalu ihi eremereloghe ituku ja kadadu ja mori ghwa Adari, mwaka ghwa karandadu ghwa kubonya nguma kwa Mzuri Dario.

HAGAI 2:18

Idime ni ituku ja mirongo iwi na inya ja mori ghwa ikenda; ituku msingi ghwa Hekalu ghumerelo. Modezighaniragha agho ghichaakaia kufuma idime.

ZEKARIA 4:10

Wandu wichafwa ngolo kwa kuwona kazi ya iaghi ikighenda mboa-mboa. Ela wichammbona Zerubabeli ukiiagha Hekalu, nawo wichaboilwa.” Malaika ukanizera, “Iro taa mfungade, ni meso mfungade gha BWANA ghizighanagha ndoenyi kose.”

ZEKARIA 4:9

“Zerubabeli oreaghieghe msingi ghwa ihi Hekalu, nao nuo moni uchaaimeria. Niko wandu wichaamanya kukaia ni ini nikudumie.

JOHANE 2:20

Nao Wayahudi wikaghamba, “Kwadima kuiagha Hekalu ereaghiloghe kwa miaka mirongo ina na irandadu kwa matuku adadu?”