EZRA 5:12 - Biblia Ilagho Jiboie Kwa Wandu Wose

¹² Ela kwa kukaia weke aba werem'bonyereghe Mlungu wa mlungunyi kujokwa ni machu, orewifunyireghe na kumneka Nebukadnezari mzuri wa Babuloni, Mkaldayo uo oreinonieghe Hekalu ihi na kudwa wandu wunyika noko cha Babuloni.

EZRA 5:12 ပူးပေါင်းရင်းမြစ်များ

2 WAZURI 24:2

BWANA ukamdumia Jehoiakimu majeshi gha Wakalidayo, na majeshi gha Wasiria, na majeshi gha Wamoabu, na majeshi gha Waamoni eri Juda ipate kutoteshwa kunughana na ilagho ja BWANA jighorelo ni wadumiki wake walodi.

2 WAZURI 25:1

Nao Sedekia ukamlegha mzuri wa Babuloni; na mwaka ghwake ghwa ikenda ghobonya nguma mori ghwa ikumi, Nebukadnezari mzuri wa Babuloni ukacha Jerusalemu na ijeshi jake jose; ukaghurughaia na kughubonyera isanju chia rose.

2 MALAGHO GHA NGELO 36:20

Awandu werefufunukieghe wisebwaghilo, orewidwaeghe wunyika cha Babuloni; wikakaia wadumiki wake, na wa wana wake; hata ngelo ya wuzuri ghwa Pashia kukaia na ndighi.

ZABURI 106:40

Niko BWANA ukajokwa ni machu aighu ya wandu wake; wikamzamia na ndighi.

ISAYA 47:6

Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

JEREMIA 5:29

“Wele nilemwa wada ni kuwikaba kwa wundu ghwa maza iri? Welee niselipie kisasi aighu ya mbari sa ihi?

JEREMIA 51:59

Seraia mwana wa Neria, wawae Mahiseia orekoghe mzighaniri m'baa wa nyumba ya Zedekia mzuri wa Juda. Mwaka ghwa kana ghwa kubonya nguma kwa Mzuri Zedekia, oreghendanyeghe na mzuri cha Babuloni; na ini Jeremia ngamneka malaghiro.

JEREMIA 52:12

Ituku ja ikumi, ja mori ghwa kasanu, nagho ni mwaka ghwa ikumi na ikenda ghwa kubonya nguma kwake Nebukadnezari mzuri wa Babuloni, uja Nebuzaradani m'baa wa majeshi gha Babuloni, uo orekoghe ukimdumikia mzuri, orengirieghe Jerusalemu.

DANIELI 9:5

Isi dabonyere kaung'a na makosa; dabonyere kisha sena dikakulegha, dikaisigha memu yako na malaghiro ghako.

WUKUMBUSO 31:17

Ituku ijo, nichajokwa ni machu aighu yawo, nani nichawisigha na kughaluka noko nisewiwone; nawo wichatoteshwa. Ngelo iyo, wichapatwa ni mawiwi mengi na kusumbuka, hata wivikie kumanya kukaia waapatwa ni agha mawiwi angu ini Mlungu wawo sikwanye nawo.

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.

WATANYI 2:14

Kwa huwo BWANA ukajokwa ni machu loli-loli aighu ya Israeli, ukawingira mikonunyi kwa awo wandu wewidwa wunyika. Ukasigha wamaiza wawo wiwisime, na kufuma aho, ndeweredimieghe kuwisima wamaiza wawo anduangi.

WATANYI 4:2

BWANA ukawisigha wisimo ni Jabini mzuri wa Kanaani, uo orekoghe ukibonya nguma muzi ghwa Hazori. M'baa wa majeshi ghake orewangwagha Sisera, uo orekoghe ukikaia Haroshethi ya wandu wa mbari zima.

WATANYI 6:1

Wandu wa Israeli wikam'bonyera BWANA kaung'a sena, na BWANA ukawikumba mikonunyi kwa Wamidiani miaka mfungade.