EZRA 4:6 - Biblia Ilagho Jiboie Kwa Wandu Wose

⁶ Iji Ahasuero orezoeghe kubonya nguma, wamaiza wa wandu werekoghe wikikaia Juda na Jerusalemu wereandikieghe barua ya mashitakio aighu ya wandu wa Juda na Jerusalemu.

EZRA 4:6 ပူးပေါင်းရင်းမြစ်များ

KUZOYA 26:21

Wikakota kiriwa kizima na icho wikarashania wokoni; kwa huwu ukachiwanga Sitana.

EZRA 4:5

Wikawihonga wabaa wa Serikali ya Pashia eri wibonye chia etangala wandu wa Juda wisekatishe mpango ghwawo matuku gha Koreshi mzuri wa Pashia, hata kuvikia ngelo ra Dario mzuri wa Pashia.

ESTA 1:1

Matuku mzuri Ahasuero orekoghe ukibonya nguma, oreghibonyereghe nguma masanga ighana na mirongo iwi na mfungade; kufuma India hata Kushi.

ESTA 1:10

Ituku ja mfungade ja iyo karamu jiendavika, mzuri Ahasuero orekoghe na kuboilwa kubaa kwa wundu ghwa ija divei orenyueghe; ukawiwanga Mehumani, Biztha, Harbona, Bigtha, Abagatha, Zethari, na Karkasi, weke kolowi mfungade werekoghe wikimdumikia uo moni uekeri.

ESTA 2:16

Nao mwaka ghwa mfungade ghwa kubonya nguma kwake mzuri Ahasuero, mori ikumi na isanu ghuwangwaghwa Tebethi, Esta ukaghenjwa ngomenyi kwa mzuri.

ESTA 3:8

Nao Hamani ukamzera mzuri, “Eko mbari imu ya wandu wisasarikie andu kose kwa wuzuri ghwako, nawo weko kula isanga. Wandu awa weko na sharia zima putu risefwanane na sharia ra wandu wazima. Chiaimweri na huwo, ndewinughagha sharia rako; kwa huwo kukeduarumaghianya nawo, ndewikufwanagha kilambo chingi.

DANIELI 11:2

Na idana nichakughoria malagho gha loli.” “Ola wazuri wamu wadadu wichawuka Pashia, na wa kana uchawuya mzuri wa mali kuchumba awo wose. Iji wapata ndighi kwa wundu ghwa iro mali rake, uchawinyavurisha wose wipate kulwa na wuzuri ghwa Wagriki.

DANIELI 9:1

Dario mwana wa Ahasuero, mvalwa wa Wamedi, orebonyeroghe kukaia mzuri wa Babuloni.

MATHAYO 27:37

Chongonyi kwake naighu wereandikieghe mashitaki agha, “UHU NI JESU MZURI WA WAYAHUDI.”

MABONYO GHA WADUMI 24:13

Hata ndewidimagha kuwonyera wuloli ghwa malagho winishitakiagha nagho idana anduangi.

MABONYO GHA WADUMI 25:7

Paulo uendacha, Wayahudi wifumie Jerusalemu wikakaia kimusi kaavui nao, wikamshitakia kwa maza nyingi ribirie ribirie wisedimagha kuwonyera wuloli ghwaro.

WUFUNUO 12:10

Ngasikira lwaka lubaa mlungunyi lukighamba, “Idana kukia kwa Mlungu odu kwameria kucha; na uko kudima kwake, na wuzuri ghwake, na iyo nguma ya Kristo wake; angu uo mshitaki uwishitakiagha wanidu kio na dime imbiri ya Mlungu wameria kupotolwa.