EZRA 4:5 - Biblia Ilagho Jiboie Kwa Wandu Wose

⁵ Wikawihonga wabaa wa Serikali ya Pashia eri wibonye chia etangala wandu wa Juda wisekatishe mpango ghwawo matuku gha Koreshi mzuri wa Pashia, hata kuvikia ngelo ra Dario mzuri wa Pashia.

EZRA 4:5 ပူးပေါင်းရင်းမြစ်များ

2 MALAGHO GHA NGELO 22:4

Ukabonya mawiwi imbiri ya BWANA, sa iji koni wandu wa nyumba ya Ahabu werebonyereghe; angu ndee uendafwa, wandu wa nyumba ya Ahabu niwo werekoghe wanjama wake, nawo wikamshekeria kunoneka.

EZRA 4:24

Kazi eagha Hekalu ya Mlungu andenyi ya Jerusalemu ikasighwa; nayo erelekeloghe hata mwaka ghwa kawi ghwa kubonya nguma kwa Dario mzuri wa Pashia.

EZRA 4:4

Niko wandu werekoghe wikakaia isangenyi wikawoka kuwibwagha ngolo wayahudi na kuwibonya wiobuo kuagha.

EZRA 4:6

Iji Ahasuero orezoeghe kubonya nguma, wamaiza wa wandu werekoghe wikikaia Juda na Jerusalemu wereandikieghe barua ya mashitakio aighu ya wandu wa Juda na Jerusalemu.

EZRA 5:5

Ela Mlungu orekoghe ukiwizighana waghosi wa Kiyahudi, na awo wabaa ndewerewighirieghe kuagha hata wighenje malagho kwa Dario na matumbulio gha barua aighu ya ilagho ijo ghiwuye.

DANIELI 10:13

M'baa wa wuzuri ghwa Pashia wanitangalie kwa matuku mirongo iwi na jimweri. Ela Mikaeli, umu wa waja weke malaika wabaa, ukacha kunitesia; kwa kukaia nedesighwa niekeri na uo m'baa wa wuzuri ghwa Pashia.

NAHUMU 1:11

Mundu ubonyere njama mbiwi aighu ya BWANA oofuma kwako ee Nineve, uo ubonyere mipango ya wuwiwi.