EZRA 4:3 - Biblia Ilagho Jiboie Kwa Wandu Wose

³ Ela Zerubabeli, Jeshua na wabaa wa vichuku Israeli wikawizera, “Ndedine haja ya wutesia ghonyu ghoagha Hekalu ya Mlungu odu; dichaiagha diweni sa iji koni Koreshi mzuri wa Pashia oredilaghirieghe.”

EZRA 4:3 ပူးပေါင်းရင်းမြစ်များ

2 MALAGHO GHA NGELO 36:22

Mwaka ghwa imbiri ghwa Kuro mzuri wa Pashia, eri ilagho ja BWANA jipate kukatia kwaro, ijo jereghoreloghe ni Mlodi Jeremia, BWANA ukamngira Kuro mzuri wa Pashia ngolo eeresha malagho andenyi ya wuzuri ghwake ghose na kughiandika wori, ukighamba,

EZRA 1:1

Mwaka ghwa imbiri ghwa kubonya nguma kwa Koreshi mzuri wa Pashia, BWANA orejikatishireghe ilagho jake ijo orejighorieghe kwa momu ghwa mlodi Jeremia. Ukam'bonya Koreshi mzuri wa Pashia, ufunye momu na kudumwa kwa maandiko andenyi ya wuzuri ghwake ghose ghupate kushomwa kwa lwaka kula andu seji inughagha,

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

EZRA 1:3

Mlungu ndekaie nenyo mmbose muko wandu wake. Ghendenyi Jerusalemu muiaghe sena Hekalu ya BWANA, Mlungu wa Israeli, uo utaswagha Jerusalemu.

EZRA 3:8

Niko mori ghwa kawi, mwaka ghwa kawi nyuma ya kuwuya Jerusalemu andu Hekalu ya BWANA erekoghe, wikazoya kazi. Zerubabeli, Joshua, na waisanga wose, wakohani, na Walawi, hasa awo werewurieghe Jerusalemu kufuma wubarishonyi, wikangia kazinyi eagha. Walawi wose wa irika ja miaka mirongo iwi na kuchumba werebonyeroghe kukaia wazighaniri wa kazi eagha Hekalu sena.

NEHEMIA 2:20

Niko ngawitumbulia, “U Mlungu wa mlungunyi uchadisimisha. Isi de wadumiki wake, nesi dichawuka diaghe sena; ela inyo ndemne hachi ya kilambo chingi Jerusalemu, hata ndemmbwadie ifungu jingi ja mawiko ghake.”

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

ISAYA 45:4

Nerekuwangieghe kwa irina jako, ngakudema irina kwa wundu ghwa mdumiki wapo Jakobo; uo Israeli msaghulwa wapo, hata ngera oho ndekuniichi.

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

JOHANE 4:9

Uja muka ukamzera, “Yakaia wada oho Myahudi kunilomba machi ini Msamaria?” (angu Wayahudi ndewikaiagha na wungara ghungi na Wasamaria anduangi.)

MABONYO GHA WADUMI 8:21

Ndekuwadie ifungu hata hachi ingi andenyi ya ilagho iji; angu ngolo yako ndeiko nicha imbiri ya Mlungu anduangi.