EZRA 4:2 - Biblia Ilagho Jiboie Kwa Wandu Wose

² wikamchea Zerubabeli na wabaa wa kichuku chawo wikawizera, “Ndediaghe Hekalu diwose; angu dadamtasa Mlungu onyu seji koni mumtasagha, nesi dadamfunyira vizongona kwake toe kufuma ngelo ra Esarhadoni mzuri wa Ashuri uo orediredieghe aha.”

EZRA 4:2 ပူးပေါင်းရင်းမြစ်များ

KUZOYA 10:11

Kufuma isanga jija ukaghenda Ashuru, na aho ukaagha Nineve, Rehoboth-Iri, Kala,

2 WAZURI 17:24

Nao mzuri wa Ashuru ukareda wandu kufuma Babuloni, Kuthu, Ava, Hamathi, na Sefavaimu; ukawiwika mizi ya Samaria wulalo ghwa wandu wa Israeli, wikawusa Samaria chiaimweri na mizi yaro.

2 WAZURI 17:41

Kwa huwo mbari iri rikakaia rikimtasa BWANA, na kudumikia fwana ra milimu yawo, hata na wana wawo na weke wawae wikanugha mfwano ugho hata linu.

2 WAZURI 19:37

Nao iji orekoghe ukitasa andenyi ya hekalu ya mlungu ghwake Nisroki, wana wake Adrameleki na Shareza wikam'bwagha na lufu, wikakimbiria isanga ja Ararati. Na mwana wake Esarhadoni ukabonya nguma wulalo ghwake.

EZRA 1:5

Niko wabaa wa kichuku cha Juda na Benjamini, na wakohani, na Walawi, na kula mundu orenyavushiroghe ngolo ni Mlungu, ukakuwika nicha kujoka uendeagha Hekalu ya BWANA iko Jerusalemu.

EZRA 2:2

Vilongozi vawo werekoghe Zerubabeli, Jeshua, Nehemia, Seraia, Reelaia, Mordekai, Bilshani, Mispari, Bigvai, Rehumu, na Baana. Ughu nigho mtalo ghwa wandu wa womi wa wandu wa Israeli werewurieghe kufuma wubarishonyi.

EZRA 3:12

Ela wengi wa wakohani na Walawi na wabaa wa vichuku, na waghosi awo wereiwonieghe Hekalu ya imbiri, werelilieghe kwa lwaka lubaa iji waghuwona msingi ghwa Hekalu ihi ghukiaghwa; ela wazima werekoghe wikikema kwa kuboilwa.

EZRA 3:2

Jeshua mwana wa Jehosadaki, chiaimweri na wakohani wambao, na Zerubabeli mwana wa Shealtieli chiaimweri na wakwawo, wikawuka na kuiagha madhabahu ya Mlungu wa Israeli ekoria vizongona aighu yaro, seji iandikilo sharienyi ya Musa mundu wa Mlungu.

NEHEMIA 9:32

“Na idana ee Mlungu odu, koko m'baa na wa kudima! Kwadakatisha ilaghano jako kwa wuloli. Kufuma wazuri wa Ashuru wazoya kudikoronga, hata idana, kwawona datiririlo saki! Wadijishire wasi isi, na wazuri wedu na wabaa wedu, na wakohani wedu, na walodi wedu weke aba wedu na wandu wedu wose datiririlo. Kumbuka seji ditiririlo!

ZABURI 73:8

Wadema sare na kudeda kisha, wakujosa na kuzaruma kukoronga wazima.

ISAYA 37:37

Niko Senakeribu mzuri wa Waashuru, ukafuma na kughala; ukakaia Nineve.

ISAYA 37:38

Nao iji orekoghe ukitasa andenyi ya nyumba ya mlungu ghwake Nisroki, wana wake wa womi Adrameleki na Shareza, wikam'bwagha kwa lufu, na kukimbia cha isanga ja Ararati. Mwana wake Esarhadoni ukabonya nguma wulalo ghwake.

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

WAGALATIA 2:4

Ela kwa wundu ghwa awo wanidu wa tee werengiriloghe andenyi kwa kiviso, awo werengirieghe kuzighana wuhuru ghodu diko nagho kwa Kristo Jesu, eri widingire wuzumbenyi;

2 TIMOTHEO 3:8

Na sa iji koni Jane na Jambre weremtangalieghe Musa, niko koni na awo wandu wiitangalagha ija loli; wandu winonekie vongo, wiko na irumirio ja tee.