EZRA 4:16 - Biblia Ilagho Jiboie Kwa Wandu Wose

¹⁶ Isi deko na wuloli ee mzuri kukaia muzi ughu ghukawuya ghukaaghwa, na wurigha ghwaro ghumerelo, ndekuwuyaakaia na ndighi rebonya nguma isangenyi magharibi ya Moda ghwa Eufrate.”

EZRA 4:16 ပူးပေါင်းရင်းမြစ်များ

2 SAMUELI 8:3

Wokoni Daudi ukamsima Hadadezeri mwana wa Rehobu, mzuri wa Soba iji uo Ha-dadezeri oreghendagha kumunganya wuzuri ghwake aho modenyi ghwa Eufrate.

1 WAZURI 4:24

Solomoni orekoghe ukibonya nguma aighu ya isanga jose ja magharibi ya Moda ghwa Eufrate kufuma Tifsa hata Gaza. Wazuri wose wa magharibi ya Moda ghwa Eufrate werekoghe aisi yake; ukakaia na sere na masanga ghose gha mbai-mbai.

EZRA 4:15

eri kufunye momu malagho ghizighano agho ghiandikilo ni weke ndeyo vuonyi. Kukabonya huwo, kuchamanya kukaia muzi ughu ndeghorekoghe ghosikira, na seji ghusumbue wazuri na wabonyi nguma wa masanga wengi kufuma kala; kwakurie sena kuwibonyera wandu wose nguma. Iyo niyo shekeria ya muzi ughu kutoteshwa.

EZRA 4:17

Nao mzuri ukaduma matumbulio ghinughagha: “Kwa Rehumu m'baa wa isanga na Shimshai mwandiki, na wambao wikaiagha Samaria na andu kuzima isangenyi ja magharibi ya Moda ghwa Eufrate, namroghua.

EZRA 4:20

Wazuri wiwadie ndighi werekoghe wikibonya nguma aho na isangenyi jose ja magharibi ya Moda ghwa Eufrate; wikakaia wikiwada kodi, wushuru.