EZRA 3:7 - Biblia Ilagho Jiboie Kwa Wandu Wose

⁷ Nao wandu wikafunya pesa kwa wundu ghwa mafundi gheagha magho na gheagha mbau; wikawighenjera wandu wa Sidoni na Tiro vindo na vinywaji na mavuda wiwiredie midi ya mierezi kufuma Lebanoni kwa bahari hata Jopa, kunughana na seji wererumiriloghe ni Koreshi mzuri wa Pashia.

EZRA 3:7 ပူးပေါင်းရင်းမြစ်များ

2 SAMUELI 5:11

Niko Hiramu mzuri wa Tiro ukaduma wandu kwa Daudi, chiaimweri na midi ya sida; na mafundi gha mbau na gha magho, ghikamuaghia Daudi ngome.

1 WAZURI 5:6

Kwa wundu ugho kuwilaghire wadumiki wako winidemie misida ya Lebanoni. Wadumiki wapo wichabonyanya kazi na wako, nani nichakulipa mafungu kuchaalomba kwa wundu ghwa wadumiki wako. Kwa kukaia oho kwamanya ndediwadie mndungi uichi kudema midi nicha sa Wasidoni.”

2 WAZURI 12:10

Wikawona kukaia pesa rakaia ndazi sandukunyi, muandiki wa mzuri na Mkohani M'baa wadaacha na kuriwudua, wipate kuritala iro pesa rawoneka andenyi ya nyumba ya BWANA, na kurikumba vikuchunyi.

2 WAZURI 12:13

Pesa iro ndereretumiloghe kwa kuboisa beseni ra feza, vilambo vewika mishumaa, bakuli, tarumbeta, angu kilambo chingi cha dhahabu angu cha feza; pesa rerefunyiroghe andenyi ya nyumba ya BWANA ndereretumiloghe kwa wundu ugho anduangi.

2 MALAGHO GHA NGELO 34:10

Niko rikanekwa awo wandu weredumiloghe kuzighana Hekalu, nawo wikawilipa waja wandu wereboisagha Hekalu na kuibonya wuwishi.

EZRA 3:6

Ituku ja imbiri ja mori ghwa mfungade werezoeghe kumfunyira BWANA vizongona vekora, hata ngera msingi ghwa Hekalu ghorekoghe ghuseaghilo.

EZEKIELI 27:17

Juda na isanga ja Israeli werebonyereghe biashara na oho; wikazoghorana na oho kwa ngano, na zeituni, na tini, wuki, mavuda, na marumba.

JONA 1:3

Ela Jona ukawuka ukimbie cha Tarshishi BWANA usemmbone. Ukasea Jopa ukakua meli aho ighendagha cha Tarshishi, ukalipa tikiti, ukangia ughendanye na wandu wa Tarshishi, upate kukaia kula na BWANA.

MABONYO GHA WADUMI 12:20

Herode orekoghe wazamilwa nandighi ni wandu wa Tiro na Sidoni, niko wikaduma wajumbe kwake. Nawo wimeria kubonya wughenyi na Blasto m'baa wa ngome ya mzuri, wikangia na kulomba sere kwa Herode; angu isanga jawo jerekoghe jikipata vindo kufuma isanga ja mzuri.

MABONYO GHA WADUMI 9:36

Na aja Jopa korekoghe na mnughi umu uwangwagha Tabitha, kigriki ni Dorkasi (kutambua kwaro ni shaa.) Muka uhu orekoghe na mabonyo mecha na kufunya makuwio.

MABONYO GHA WADUMI 9:38

Na angu Luda korekoghe kaavui na Jopa, wanughi wikasikira angu Petro oko aho, nawo wikaduma wandu wawi kumzera, “Dakuvoya kudichee shwa-shwa.”

MABONYO GHA WADUMI 9:43

Petro ukakaia Jopa kwa matuku malazi andwamweri na mndumu ubonyagha kazi engira mirongo rangi, uwangwagha Simoni.