EZRA 3:1 - Biblia Ilagho Jiboie Kwa Wandu Wose

¹ Mori ghwa mfungade Waisraeli werekoghe wameria kukaia mizinyi kwawo. Niko wikakwanyika wose Jerusalemu.

EZRA 3:1 ပူးပေါင်းရင်းမြစ်များ

NEHEMIA 7:72

Na wandu wazima werefunyireghe kilo ighana na mirongo irandadu na wunyanya ra dhahabu, kilo ighana na mirongo ina ra feza, na marwao mirongo irandadu na mfungade gha wakohani.

NEHEMIA 7:73

Niko wakohani, Walawi, walindiri wa Hekalu, na wabori, na wadumiki wa Hekalunyi, na Waisraeli wose wikakaia mizinyi kwawo. Mori ghwa mfungade ghuendavika, wandu wose wa Israeli werekoghe wakaia mizinyi kwawo.

NEHEMIA 8:1

Ituku ja imbiri ja ugho mori, wandu wose wikakwanyika Jerusalemu andenyi wazenyi ya Mbenge ya Machi. Wikamkotia Ezra mkohani na mwalimu wa Sharia iyo BWANA orewinekieghe Israeli kwa mkonu ghwa Musa, urede icho chuo.

NEHEMIA 8:14

Wikawona malagho ghiandikilo sharienyi kukaia BWANA oremlaghirieghe Musa kukaia wandu wa Israeli wikaie viwandenyi ngelo ya ituku ibaa ja Ndima ya Viwanda.

WALAWI 16:29

“Ihi niyo sharia enugha matuku ghenyu ghose ghichagha: Ituku ja ikumi ja mori ghwa mfungade, Waisraeli wose, na waghenyi wose mkwanye, mchafunga tumu; ndemchaabonya kazi ingi.

WALAWI 23:24

“Wizere wandu wa Israeli kukaia, ituku ja imbiri ja mori ghwa mfungade, jichakaia ni ituku jehora; mjikumbuke kwa kukaba tarumbeta, nenyo m'bonye ikwanyiko ja wueli.

ZEFANIA 3:9

“Niko nicharighalua mbari ra wandu wipate kunitasa ini niekeri, hata si milungu mizima anduangi. Wandu wose wichanisikira.

MABONYO GHA WADUMI 2:46

Na ituku ituku werekoghe wikingia Hekalunyi, na kughuchikanya mkate nyumbenyi kwawo, wikija vindo kwa kuboilwa na ngolo rielie,

MABONYO GHA WADUMI 4:32

Wandu wose wererumirieghe werekoghe na nia imweri na roho imweri, hata mndungi ndereghorieghe wei kindo chingi ni chake moni uekeri anduangi; ela werekoghe na wungara ghwa vilambo vose.

1 WAKORINTHO 1:10

Namvoya wanidu kwa irina ja Bwana odu Jesu Kristo, msikirane; hata kusekaie kuwaghanyika kungi aghadi konyu, ela mmbwadane kwa nia imweri na njama imweri.

WUKUMBUSO 16:16

“Wandu wenyu wose wa womi wichaghenda kumtasa BWANA Mlungu onyu mando adadu kwa mwaka, andu BWANA uchaakusaghua. Ngelo ya Ndima ya Mikate isewadie Chachu, na ngelo ya Ndima ya Makuwido, na ngelo ya Ndima ya Viwanda. Wiseghende kumtasa BWANA mikonu miduu.

WATANYI 20:1

Niko wandu wa Israeli wose wikafuma sa mundu umweri kufuma Dani hata Beer-sheba, chiaimweri na isanga ja Gileadi; ijo izungu jikakwanyika imbiri ya BWANA aho Mispa.