EZRA 1:7 - Biblia Ilagho Jiboie Kwa Wandu Wose

⁷ Mzuri Koreshi ukawiwunjira vija vikombe na bakuli ra Hekalu ya BWANA veredwaloghe ni Mzuri Nebukadnezari kufuma Jerusalemu na kuwikwa hekalunyi kwa milungu yake.

EZRA 1:7 ပူးပေါင်းရင်းမြစ်များ

2 WAZURI 24:13

Mzuri wa Babuloni ukadwa mali rose ra Hekalu, na ra nyumba ya mzuri; ukavidema-dema vilambo va dhahabu verekoghe andenyi ya Hekalu ya BWANA, ivo verebonyeroghe ni Mzuri Solomoni wa Israeli, sa iji koni BWANA oreghorieghe kiimbiri.

2 MALAGHO GHA NGELO 36:10

Ghadi na ghadi ya mwaka, mzuri Nebukadnezari ukaduma wandu wikamreda Babuloni na vilambo va zoghori mbaa va Hekalu; Nebukadnezari ukam'bonya mruna Sedekia ukaie mzuri aighu ya Juda na Jerusalemu.

2 MALAGHO GHA NGELO 36:18

Ukawada vilambo vose va Hekalu, vibaa na vitini, na mali ya Hekalu, na mali ya mzuri, na wanjama wake, ukavidwa cha Babuloni.

2 MALAGHO GHA NGELO 36:7

Wokoni Nebukadnezari ukadwa vilambo vimu va Hekalu cha Babuloni, ukaviwika ngomenyi kwake.

EZRA 5:14

Ukavifunya vombo va dhahabu na feza, ivo Nebukadnezari orevidwaeghe kufuma Hekalunyi iyo erekoghe Jerusalemu na kuvighenja hekalunyi ya milungu yake Babuloni, ukavineka mndumu orewangwagha Sheshbaza uo oremmbikieghe m'baa wa isanga ja Juda.

EZRA 6:5

Wokoni vombo va dhahabu na feza va Hekalu ivo Nebukadnezari orevifunyireghe Hekalunyi iko Jerusalemu na kuvidwa cha Babuloni viwunjo Hekalunyi iko Jerusalemu kula chimu andu kwaro.”

JEREMIA 51:44

Nani nichamkaba Beli ghuja mlungu ghwa Babuloni na kumdaisa ivo vindo uvimilie; wandu wa iro mbari ndewichaamchea sena, wurigha ghwa Babuloni ghameria kughwa.

DANIELI 1:2

BWANA ukamngira Jehoiakimu mzuri wa Juda mikonunyi kwake chiaimweri na vilambo vimu va Hekalunyi. Ukavireda isanga ja Babuloni kwa nyumba ya mlungu ghwake, na vilambo va hekalunyi ukaviranganya na vilambo va mlungu ghwake.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.