EZRA 1:2 - Biblia Ilagho Jiboie Kwa Wandu Wose

² “Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

EZRA 1:2 ပူးပေါင်းရင်းမြစ်များ

1 WAZURI 8:27

“Ela loli Mlungu wadima kukaia ndoenyi? Zighana mlungunyi kwa ighu ndekukukatagha, ni kuchumba saki i Hekalu nakuaghia!

2 MALAGHO GHA NGELO 2:12

Wokoni Huramu ukaghamba, “BWANA Mlungu wa Israeli ndekaso, uo ubonyere mlungunyi na ndoenyi; nao ukamneka Mzuri Daudi mwana uko na hikima, unekelo suku na kutambukilwa, uchaagha hekalu kwa wundu ghwa BWANA, na ngome kwa wundu ghwake moni.

EZRA 1:5

Niko wabaa wa kichuku cha Juda na Benjamini, na wakohani, na Walawi, na kula mundu orenyavushiroghe ngolo ni Mlungu, ukakuwika nicha kujoka uendeagha Hekalu ya BWANA iko Jerusalemu.

EZRA 3:7

Nao wandu wikafunya pesa kwa wundu ghwa mafundi gheagha magho na gheagha mbau; wikawighenjera wandu wa Sidoni na Tiro vindo na vinywaji na mavuda wiwiredie midi ya mierezi kufuma Lebanoni kwa bahari hata Jopa, kunughana na seji wererumiriloghe ni Koreshi mzuri wa Pashia.

EZRA 4:3

Ela Zerubabeli, Jeshua na wabaa wa vichuku Israeli wikawizera, “Ndedine haja ya wutesia ghonyu ghoagha Hekalu ya Mlungu odu; dichaiagha diweni sa iji koni Koreshi mzuri wa Pashia oredilaghirieghe.”

EZRA 5:15

Ukamzera, “Wada ivi vombo kughende kuviwike Hekalunyi iko Jerusalemu, na Hekalu iyo iagho aeni erekoghe.”

EZRA 6:10

Malagho agho ghibonyo eri widime kumfunyira Mlungu wa mlungunyi vizongona viboie, winilombie na wana wapo.

EZRA 6:3

“Mwaka ghwa imbiri ghwa kubonya nguma kwa Koreshi, orefunyireghe momu kukaia Hekalu iko Jerusalemu iagho sena; andu vizongona vifunywagha, na vizongona vikorwagha. Hekalu iyo ikaie na wuighu ghwa meta mirongo iwi na mfungade na wushapa ghwaro meta mirongo iwi na mfungade wokoni.

EZRA 7:12

“Ini Artashasta mzuri wa wazuri nakuandikia Ezra, mkohani sena mwalimu wa Sharia ya Mlungu wa mlungunyi.

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

NEHEMIA 1:5

“Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

ZABURI 136:26

Mfunyirenyi chawucha Mlungu wa mlungunyi; lukundo lwake lukatie lwadua kwa kala.

ZABURI 85:2

Oho kwawifuye wughoma wandu wako ikosa jawo, kukawilekia kaung'a rawo rose.

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

ISAYA 41:2

“Nani umnyavurishire mndumu kufuma mashariki, na kum'bonya usimeghe kula andu? Waribonya mbari ra wandu righo imbiri kwake, na wazuri kusimwa hata wikaie aisi yake. Wadawighusha andonyi kwa lufu lwake karakara na teri, na kuwiwinga kwa ndana yake karakara na matasa ghidukwagha ni mbeo.

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

ISAYA 45:1

BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera:

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

JEREMIA 10:11

Muwighorie wandu huwu: “Iyo milungu iseumbie mlungunyi na ndoenyi, ichatota ndoenyi na aisi ya mlungunyi.”

JEREMIA 27:5

“Ni ini niumbie wurumwengu kwa mkonu ghwapo ghwa ndighi, chiaimweri na wandu na nyamandu riko ndoenyi; nani nadamneka uo ose seji niwonagha.

JEREMIA 29:10

“BWANA waghamba huwu, ‘Miaka mirongo mfungade ya kudwalwa wunyika Babuloni ikakata, nichamchea; nani nichajikatisha ilaghiro japo, na kummbunja andu aha.

DANIELI 1:21

Danieli ukasigharika aho ngomenyi kwa mzuri, hata mwaka ghwa imbiri ghwa mzuri Koreshi.

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

DANIELI 2:28

Ela oko Mlungu mlungunyi ufunukuagha maza rivisikie, nao wakumanyisha oho mzuri Nebukadnezari iro maza richaabonyeka ngelo richagha. Ndodo yako na mawono kughiwonie ngelo korekoghe kwalala wulinyi kwako nigho agha:

DANIELI 4:25

Kuchawingwa kufuma kwa wadamu, na oho kuchakaianya na nyamandu ra isakenyi; kuchaja nyasi sa ng'ombe, na oho kuchakabwa ni mami kwa mishushure ifumagha mlungunyi. Miaka mfungade ichaida, hata kwamanya kukaia Uo Uko Aighu na Ndighi wabonyagha nguma aighu ya mawuzuri gha wadamu, nao wadamneka uo ose umkundagha.

DANIELI 4:32

Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

DANIELI 6:25

Niko mzuri Dario ukawiandikia wandu wose wa mbari na viteto wikaiagha ndoenyi kose: “Sere ndeichurikie konyu.

JONA 1:9

Ukawizera, “Ini ne Muebrania nani nadamtasa BWANA, Mlungu wa mlungunyi uo ubonyere bahari na ndoe iomie.”