ESTA 7:9 - Biblia Ilagho Jiboie Kwa Wandu Wose

⁹ Nao Harbona, umu wa waja weke kolowi wimdumikiagha mzuri ukaghamba, “Sena huwu odeeka waboisa mudi ghom'bwagha Mordekai kwa kummbanika; uja orekirieghe irangi jako ee Mzuri. Mudi ghuko na wulacha ghwa meta mirongo iwi na iwi, huwu ghoko kwake!” Nao mzuri ukafunya momu, “Mmbanikenyi aighu ya ugho mudi ghoni.”

ESTA 7:9 ပူးပေါင်းရင်းမြစ်များ

2 WAZURI 9:32

Jehu ukazighana cha idirishenyi, ukaghamba, “Nani uko cha kwapo? Nani?” Weke kolowi wadadu wikamzighana Jehu aidirishenyi.

ESTA 1:10

Ituku ja mfungade ja iyo karamu jiendavika, mzuri Ahasuero orekoghe na kuboilwa kubaa kwa wundu ghwa ija divei orenyueghe; ukawiwanga Mehumani, Biztha, Harbona, Bigtha, Abagatha, Zethari, na Karkasi, weke kolowi mfungade werekoghe wikimdumikia uo moni uekeri.

ESTA 5:14

Nao muka wake Zereshi na waghenyi wake, ukamneka agha maghesho: “Wele uo mundu ndabonyerwagha mudi ghuko na wulacha ghwa meta mrongo iwi na iwi, nao kesho kughore na mzuri Mordekai ubwagho kwa kuwanikwa aighu yaro? Niko aho kuchaangia karamunyi na mzuri kuko na kuboilwa.” Hamani ukaboilwa ni agho maghesho, ukaghuboisa ugho mudi ghobwaghia wandu.

ESTA 6:14

Nao iji werekoghe wikija agho malagho, weke kolowi wa mzuri wikacha shwa-shwa kumuonda Hamani ughende karamunyi kwa Esta.

ESTA 6:2

Andenyi ya chuo icho, korekoghe na malagho gha Mordekai, seji oremanyireghe na kughora ija njama em'bwagha mzuri, erebonyeroghe ni Bigthana na Tereshi, awo werekoghe weke kolowi welindia vumba va mzuri.

ESTA 8:7

Nao Mzuri Ahasuero ukamzera Malkia Esta na Mordekai Myahudi, “Ola nam'bwagha Hamani kwa kummbanika mudinyi kwa wundu ghwa njama yake erekoghe aighu ya Wayahudi, na mali rake namneka Esta.

ESTA 9:14

Nao mzuri ukaghora agho malagho ghikatisho. Itangazo jikafunywa muzinyi ghwa Susa, na ija mimbi ikumi ya wana wa Hamani ikawanikwa.

ESTA 9:25

Ela Esta ukamghendia mzuri, na mzuri ukafunya momu kwa maandiko angu ija njama ya mikalo oreibonyereghe Hamani imghalukie moni; kukaia, uo na wana wake wibwagho kwa kuwanikwa aighu ya ghuja mudi ghobwaghia wandu.

ZABURI 141:10

Wawiwi ndewichunuke andenyi ya midegho yawo cheni, na ini niide banana.

ZABURI 35:8

Ndewichelo ni kunoneka wisemanyire, na mdegho wereghudeghieghe ghuwiwade weni; wipate kunoneka.

ZABURI 73:19

Wanoneka shwa-shwa! Wainjwa na kusoweka kwa chia eobosha.

DANIELI 6:24

Mzuri ukafunya momu waja wandu weremshitakieghe Danieli wiredo na kukumbwa andenyi ya kizimba cha shimba; awo, na wana wawo, na waka wawo; Imbiri wisevikie kondonyi kizimbenyi, shimba rikawiwada na kuchikanya maindi ghawo.

DANIELI 6:7

Wabaa wose wa wuzuri, wazighaniri, na wabaa wa masanga, wanjama na wabaa wose warumiriana kukaia mzuri udunge sharia na kuimangisha, kukaia, mndungi ukalomba kilambo chingi kwa mlungu ghungi, angu kwa mdamu, isaakaia ni kwako koni ee mzuri kwa matuku mirongo idadu, uchakumbwa andenyi ya kizimba cha shimba.

1 SAMUELI 17:51

Nao Daudi ukakimbia na iseghe, ukajoka aighu ya uja Mfilisti, ukalukua lufu lwake ukam'bwagha na kudumbua chongo chake na ulo lufu. Wafilisti wiendawona kukaia ing'oni jawo jafwa, wikakimbia.