ESTA 7:3 - Biblia Ilagho Jiboie Kwa Wandu Wose

³ Niko Malkia Esta ukamtumbulia, “Ngera loli narumirikia imbiri kwako ee mzuri, iji kwakunda, haja yapo ni ini moni nikaie moyo, na ilombi japo ni wandu wapo nawo wikaie moyo.

ESTA 7:3 ပူးပေါင်းရင်းမြစ်များ

1 WAZURI 20:31

Wabaa wake wikamzera, “Ola dasikire wei wazuri wa Israeli weko na wughoma; sigha diro nguwo ra magunia viwonunyi kodu, na kukufunga kamba singonyi; kewada wadima kukuleka usekubwaghe.”

2 WAZURI 1:13

Mzuri ukaduma m'baa umu wa kadadu na wandu wake mirongo misanu. Uja m'baa ukaghenda na kughwa maghunyi kwa Elija, ukamvoya ukighamba, “Ee mundu wa Mlungu, nakulomba kuwone irangi japo na ja awa wandu mirongo misanu kukaia ja zoghori imbiri kwako.

ESTA 4:8

Ukamneka Hathaki kopi imu ya rija barua ra itangazo jifunyiro muzi ghwa Susa, kwa wundu ghwa kumerelwa kwa Wayahudi. Sena ukamlomba angu umghorie Esta maza rose, eri upate kughenda kwa mzuri kumlomba na kumvoya uwifuye wughoma wandu wake.

ESTA 5:8

Ikakaia kwanirumiria ee Mzuri, na iji kwakunda kunikatishira malombi ghapo, nakulomba sena oho na Hamani muche kwa vindo va nakenyi nichaam'boisira kesho. Ngelo iyo niko nichaakumanyisha ichi nikunde.”

ESTA 7:7

Mzuri ukawuka karamunyi kwa machu, ukafuma na kughenda cha mbuwenyi ra ngome. Hamani ukawona kukaia mzuri ookunda kumneka ikabo; ukasigharika eri umvoye Malkia Esta ujikire irangi jake.

ESTA 8:5

“Kukakunda ee mzuri, na ikakaia niwonekagha mucha mesonyi kwako, iji kwakunda, nakuvoya kufunye momu ghoinja jija itangazo jerebonyeroghe ni Hamani mwana wa Hamedatha, wa kivalwa cha Agagi, jerepangiloghe kukaia Wayahudi wose wiko andenyi ya masanga ghako wibwagho na kumerelwa.

AYUBU 2:4

Niko Shetani ukamtumbulia BWANA, “Mrongo kwa mrongo. Mundu wadima kufunya icho chose uko nacho kwa wundu ghwa irangi jake.

JEREMIA 38:26

kuwizere, ‘Neemvoya mzuri useniwunje nyumbenyi kwa Jonathani nifue aho.’”