ESTA 1:3 - Biblia Ilagho Jiboie Kwa Wandu Wose

³ Nao mwaka ghwa kadadu ghwa kubonya nguma kwake, mzuri Ahasuero orewibonyereghe karamu vilongozi na wadumiki wa serikali yake. Majeshi gha Pashia na Media wori gherekoghe, chiaimweri na wabaa wa masanga na wandu wabaa wa ishima.

ESTA 1:3 ပူးပေါင်းရင်းမြစ်များ

KUZOYA 40:20

Nao ituku ja kadadu mzuri orebonyereghe karamu ya kuvalwa kwake, ukawikaribisha wadumiki wake wose. Nao ukawifungua wadumiki wake, m'baa wa wanyoshi divei, na m'baa wa waochi mikate.

1 WAZURI 3:15

Nao Solomoni ukawuka dilonyi, ukamanya angu Mlungu okoghe ukidedanya nao ndodonyi. Niko ukaghenda Jerusalemu, ukakaia kimusi imbiri ya Sanduku ya Ilaghano, ukafunya vizongona vekora na vizongona va mapatano; ukawibonyera karamu wabaa wose wa Serikali yake.

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

ESTA 1:14

Wanjama wake wa matuku ghose werekoghe Karshena, Shethari, Admatha, Tarshishi, Meresi, Marsena, na Memukani; vilongozi mfungade va Pashia na Media, wiko na daraja ra ighu kwa wuzuri ghwake.

ESTA 1:4

Kwa meri irandadu, Ahasuero orekoghe ukiwonyera wungi ghwa mali ra wuzuri ghwake, na wubaa ghwa nguma rake.

ESTA 2:18

Ukabonya karamu mbaa, kwa wundu ghwa ishima ja Esta; ukawiwanga vilongozi na wadumiki wa serikali. Sena mzuri ukafunya momu ijo ituku jikaie jehora kwa masanga ghose, ukafunya manosi malazi gha kiwuzuri.

ESTA 3:7

Nao mwaka ghwa ikumi na iwi, ghwa kubonya nguma kwake mzuri Ahasuero, mori ghwa imbiri ghuwangwaghwa Nisani, Puri (Yaani kura) ikakabwa imbiri ya Hamani, upate ituku na mori ghufwanagha ghokatisha mpango ghwake. Ituku jerepatiroghe ni kura, ni ja ikumi na idadu ja mori ghwa ikumi na iwi, ghuwangwaghwa Adari.

ISAYA 21:2

Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

DANIELI 5:1

Mzuri Belshazari orewibonyereghe karamu wabaa wa isanga jake elfu imweri, ukanywa divei chiaimweri nawo.

DANIELI 5:28

PERES: kutambua kwaro wuzuri ghwako ghwamerie kuwaghwa na kunekwa Wamedi na Wapashia.”

DANIELI 6:1

Dario orewonieghe nicha kuwika wabaa ighana na mirongo iwi andenyi ya wuzuri ghwake ghose.

DANIELI 8:20

“Iyo bauru kuiwonie iko na mbembe iwi, ni wazuri wa Waamedi na wa Pashia.

MARKO 6:21

Ela ngelo ifwane erevikieghe, iji Herode kwa ituku jake ja kuvalwa, orewibonyereghe ndima waghosi wake wa isanga, wabaa wa serikali na wandu wabaa wa Galilaya.