DANIELI 9:3 - Biblia Ilagho Jiboie Kwa Wandu Wose

³ Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

DANIELI 9:3 ပူးပေါင်းရင်းမြစ်များ

2 SAMUELI 12:16

Daudi ukakaia ukimvoya Mlungu kwa wundu ghwa uja mwana; ukangia chumbenyi, ukakaia ukilala andonyi na kufunga tumu kula kio.

EZRA 10:6

Nao Ezra ukawuka imbiri ya Hekalu ukaghenda chumbenyi kwa Jehohanani mwana wa Eliashibu, ukalala aho ukililia kuja kusowa wuloli kwa wandu wifumie wubarishonyi. Nderejieghe hata kunywa kindo chingi anduangi.

EZRA 8:21

Niko ngatangaza difunge tumu kaavui na Moda ghwa Ahava eri dipate kukusera imbiri ya Mlungu, na kumlomba udilongoze nicha chienyi na kudilindia isi na wana wedu na vilambo vedu vose.

EZRA 9:5

Ngelo efunya kizongona cha luma lwa kenyi, nerewukieghe andu nerekoghe ngifunga tumu, na nguwo rapo rirashukie, ngaghwa ngokoronyi, na kuighorua mikonu yapo cha kwa BWANA Mlungu wapo,

NEHEMIA 9:1

Ituku ja mori mirongo iwi na inya ja ugho mori ghoni, wandu wa Israeli wikakwanyika kufunga tumu kwa wundu ghwa kaung'a rawo. Wikakudunga teri vongonyi kwawo, na kurwa nguwo ra magunia kuwonyera wasi.

ESTA 4:16

“Ghenda kuwikwanye Wayahudi wose wiko Susa, wikufunye kufunga tumu na kulomba kwa wundu ghwapo, mseje hata kunywa kindo chingi kwa matuku adadu na vio varo. Wai wapo wa kazi chiaimweri nani dichabonya wokoni. Konyuma nichaghenda kwa mzuri hata ngera sharia yaleghie. Ikakaia ni kufwa, nifo.”

AYUBU 42:6

Nakumenya ini moni, na kuhea ngisea kidombo aterinyi na ivunyi.”

ZABURI 35:13

Ela iji awo werekoghe wakongo, nererwaeghe nguwo ya igunia kwa wasi; ngakughoghomesha nimoni kwa kufunga tumu, ngilomba Mlungu kwa kughoghomesha chongo chapo laghenyi kwapo.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

EZEKIELI 36:37

Bwana MLUNGU waghamba huwu, “Nichawibonya wandu wa Israeli winilombeghe, nani nichawibonya wichurikie kwa wungi sa ng'ondi.

DANIELI 6:10

Nao iji Danieli wamanya kukaia ija sharia yameria kungirwa sahihi, ukaghenda nyumbenyi kwake ukajoka gorofenyi ukarughua madirisha ghake kulangaya cha Jerusalemu, ukadunga ngokoro mando adadu kwa ituku, ukalomba na kufunya chawucha kwa Mlungu wake sa iji koni orekoghe ukibonya.

DANIELI 9:2

Mwaka ghwa imbiri ghwa kubonya nguma kwake, ini Danieli nerekoghe ngishoma vuo na dini, na kuririkanya malagho gha iyo miaka mirongo mfungade Jerusalemu ichaakaia ighacho kunughana na seji BWANA oremghorieghe.

DANIELI 9:20

Ngachuria kulomba, na kurumiria kaung'a rapo na ra wandu wapo Israeli. Ngamvoya BWANA Mlungu wapo uiaghe sena Hekalu yake ya wueli.

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 2:12

BWANA waghamba, “Hata idana heenyi mmbuye kwapo kwa ngolo renyu rose; mkifunga na kulila kwa kudikwa ni mbori.

JONA 3:5

Wandu wa Nineve wikamrumiria Mlungu, wikaeresha malagho wandu wifunge tumu; wikarwa nguwo ra magunia kufuma m'baa wawo, hata mtini wawo.

MATHAYO 17:21

Ela mbari ihi yadafunywa ni malombi na kufunga tumu.”]

LUKA 2:37

Orekoghe na miaka mirongo wunyanya na inya, ukikaia muka ufulo ni mumi wake; nao orekoghe usefumagha Hekalunyi, ukitasa na kufunga tumu, na kulomba Mlungu kio na dime.

MABONYO GHA WADUMI 10:30

Nao Kornelio ukaghamba, “Nerekoghe ngilomba Mlungu saa ikenda ra dime nyumbenyi kwapo; kufuma iyo ngelo, idime ni ituku ja kana. Ngammbona mundu uko kimusi imbiri kwapo, urwae nguwo ring'alaa-ng'ala.