DANIELI 9:25 - Biblia Ilagho Jiboie Kwa Wandu Wose

²⁵ Kwa huwo kumanye sena kutambukilo kukaia, kufuma momu ghwafunywa Jerusalemu iagho sena, hata kucha kwa mshingwa mavuda, uo m'bonyi nguma, ichakaia ni miaka mfungade mando mfungade. Sena kwa miaka mirongo irandadu na iwi mando mfungade, ichaaghwa sena na chia rake mbaa, na mahandaki, elaima kwa wasi.

DANIELI 9:25 ပူးပေါင်းရင်းမြစ်များ

2 SAMUELI 15:25

Mzuri ukamzera Zadoku, “Wunja Sanduku ya Ilaghano ya Mlungu cha mzinyi. BWANA ukanirumiria uchaniwunja sena niwone Sanduku ya Ilaghano na wandu wake wori.

EZRA 4:24

Kazi eagha Hekalu ya Mlungu andenyi ya Jerusalemu ikasighwa; nayo erelekeloghe hata mwaka ghwa kawi ghwa kubonya nguma kwa Dario mzuri wa Pashia.

EZRA 7:1

Nyuma ya miaka imu, ngelo Artashasta mzuri wa Pashia orekoghe ukibonya nguma, korekoghe na mundu uwangwaghwa Ezra mwana wa Seraia; wawae Azaria, wa Kichuku cha Hilkia,

EZRA 7:8

Ezra ukavika Jerusalemu mori ghwa kasanu ghwa ugho mwaka ghwa mfungade ghwa mzuri.

NEHEMIA 3:1

Huwu niko wurigha ghwa muzi ghoreaghiloghe sena. Mkohani m'baa Eliashibu orewukieghe chiaimweri na wakohani wambao wikaagha Mbenge ya Ng'ondi sena; wikaiwika wakfu, na kungira minyango yaro. Wikawika wakfu hata Mnara ghwa Ighana na Mnara ghwa Hananeli.

NEHEMIA 4:2

Ukaghora imbiri ya wangara wake na ijeshi ja Samaria, “Awa Wayahudi wanyonge wibonyaki aha? Loli wiagha muzi ghwawo? Wiaghesha wikafunya kizongona wimeria kughuagha kwa ituku jimweri? Wadima kughiwusira magho ghikorelo ghikawuya vitungu va wuchafu?”

NEHEMIA 4:8

Wikabonya njama echa kulwa na Jerusalemu na kungira fujo andenyi.

NEHEMIA 6:15

Nyuma ya matuku mirongo misanu na awi gha kazi, wurigha ghose ghukamerelwa ituku ja mirongo iwi na isanu ja mori ghwa Eluli.

ZABURI 71:10

Wamaiza wapo waawuyanideda, awo waawuyanilaliria wikibonya njama enibwagha.

MCHILI 3:3

ngelo ebwagha na ngelo ekira; ngelo evuchua na ngelo eagha;

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

DANIELI 8:11

Lukakushabua na kukujosa loni aighu ya m'baa wa agho majeshi; na kughiria usefunyiro vizongona vekora va ituku ituku na Hekalu yake ikachikanywa.

DANIELI 8:25

Uchatumia mikalo upate kuwona nicha, nao uchakughesha moni kukaia m'baa. Uchawitotesha wengi wisemanyire, wikikaia na sere. Uchatima hata kulwa na M'baa wa wabaa, ela uchasia moni usekabilo ni mdamu ungi.

DANIELI 9:23

Kwendazoya kuvoya, itumbulio jafunyiroghe. Nacha kukughoria kwa kukaia kwakundo nandighi. Kwa huwo sikiria, kutambukilo ni agho mawono.

MIKA 5:1

Wandu wa Jerusalemu, tumbanyenyi majeshi ghenyu! Darughailwa; waawuyamkaba kilongozi wa Israeli.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

MATHAYO 13:23

Na ija mbeu iwalo ndoe iwurue, ni sa mundu usikiragha ijo ilagho, najo jamtambukia, nao wadava matunda kwa ighana, na kwa mirongo irandadu, na kwa mirongo idadu.”

MATHAYO 24:15

“Ela kasikira mwammbona uja ‘Mmbiwi Mnoni’, uo oreghoreloghe ni mlodi Danieli, ukikaia kimusi andu kwa wueli, (uo ushomagha ndetambuo)

MARKO 13:14

“Ela kasikira mwammbona uja ‘Mmbiwi Mnoni’ wakaia kimusi andu kuseko kwake anduangi, (uo ushomagha ndetambuo); kimu icho, awa wiko Judea, ndewikimbirie mghondinyi.

JOHANE 1:41

Imbiri ukammbona mruna Simoni, ukamzera, “Dammbona Masiha.” (Kutambua kwaro ni Kristo.)

JOHANE 4:25

Uja muka ukamzera, “Namanya angu Masiha uacha, (uo uwangwagha Kristo) nao kasikira wacha, uchadiwonyera maza rose.”

MABONYO GHA WADUMI 3:15

Mkam'bwagha uja M'baa wa irangi, ela Mlungu oremrukishireghe kufuma kwa wafu, nesi deko washahidi wa maza iri.

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

MABONYO GHA WADUMI 8:30

Filipo ukamkimbiria, ukamsikira ukishoma chuo cha mlodi Isaya ukamkotia, “Kwawuyatambukilwa ni agho kushomagha?”

WAEFESO 5:16

mkiitumia nicha ngelo muko nayo, angu matuku agha ghazamie.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.