DANIELI 9:21 - Biblia Ilagho Jiboie Kwa Wandu Wose

²¹ Hata iji nerekoghe ngilomba, uo mundu Gabrieli neremmbonieghe andenyi ya mawono kiimbiri, ukanichea shwa ukiburuka, ngelo efunya kizongona cha nakenyi.

DANIELI 9:21 ပူးပေါင်းရင်းမြစ်များ

1 WAZURI 18:29

Wikakema na kudeda hata ngelo efunya kizongona cha nakenyi, ela ndekorekoghe na lwaka hata mndungi nderetumbulieghe anduangi.

1 WAZURI 18:36

Nao luma lwa kufunya kizongona cha kenyi, mlodi Elija ukacha kaavui na madhabahu ukalomba ukighamba, “Ee BWANA Mlungu wa Abrahamu, na wa Isaaka na wa Jakobo, ndeimanyike idime iji kukaia oho ko Mlungu andenyi ya Israeli, na kukaia ini ne mdumiki wako, nani nabonya agha ghose kwa ilagho jako.

ZABURI 103:20

Mkasenyi BWANA inyo weke malaika wake mmbwadie ndighi, msikiragha malagho ghake, na kuwada agho ughoragha.

ZABURI 104:4

Kwadatumia mbeo sa wadumwa wako, na luhehia sa wadumiki wako.

ZABURI 141:2

Wusa malombi ghapo sa marumba mecha, na kuwusira mikonu yapo kukaie sa kizongona cha nakenyi.

KUFUMA 29:39

Kuchafunya kizongona mwana wa ng'ondi umweri nakesho, na mwana wa ng'ondi umweri nakenyi.

ISAYA 6:2

A naighu kwake, korekoghe na maserafi; na kula umu orekoghe na mawawa arandadu. Mawawa awi ni ghefinikira wushu ghwake, na awi ghefinikira maghu ghake, na awi gheburuka.

EZEKIELI 1:11

Huwo niko mawushu ghawo gherekoghe. Mawawa ghawo ghereghorokieghe noko ighu; kula nyamandu erekoghe na mawawa awi, kula iwawa jimu jikiadada iwawa ja mmbao; na ghaja mawawa ghamu awi gherefinikireghe mimbi yawo.

EZEKIELI 1:14

Iro nyamandu riko moyo rerekoghe rikikimbia naimbiri na nanyuma sa luhehia luakagha.

EZEKIELI 14:14

Hata ngera awa wandu wadadu wadakaia aeni, Nuhu, Danieli, na Ayubu, wadadima tu kukira marangi ghawo kwa hachi yawo. Ini Bwana MLUNGU naghamba.

DANIELI 10:10

Nao mkonu ghukaniadada na kuniwusira, ngadunga mikonu yapo andonyi, na kumanga na vitemberu ngisughusika.

DANIELI 10:16

Uo malaika ufwanane na mdamu ukaniadada momu ghwapo ngazoya kudeda. Ngamzera, “Ee bwana wapo, agha mawono ghanivavira, nani naasilwa putu.

DANIELI 10:18

Niko uo malaika ufwanane na mdamu ukaniadada sena, ukaningira ndighi.

DANIELI 8:16

Ngasikira lwaka lwa mdamu Modenyi ghwa Ulai lukiwanga, “Gabrieli, mtambushire uo mundu agho mawono.”

DANIELI 8:18

Nao iji orekoghe ukidedanya nani, ngawadwa ni dilo nyingi wushu ghwapo ghwadunga andonyi; ela ukaniadada na kuniwusira kimusi.

MATHAYO 27:46

Iendavika saa ikenda, Jesu ukakema kwa lwaka lubaa, “Eli, Eli, lama sabakithani?” Kutambua kwaro, “Mlungu wapo, Mlungu wapo, kwaki kwanisigha?”

LUKA 1:19

Malaika ukamtumbulia, “Ini ne Gabrieli, nikaiagha kimusi imbiri ya Mlungu, nani naadumwa nichekughoria oho malagho mecha.

LUKA 1:26

Nao mori ghwa karandadu ghwa kifu cha Elizabeti, malaika Gabrieli ukadumwa kufuma kwa Mlungu, kughenda muzi ghumu ghwa Galilaya ghuwangwagha Nazareti,

MABONYO GHA WADUMI 10:3

Nao sa saa ikenda ra dime, ukawona kwa mawono worinyi malaika wa Mlungu ukingia na kumzera, “Kornelio!”

MABONYO GHA WADUMI 10:9

Ituku ja kawi, iji werekoghe wikighenda, ngelo wavika kaavui na muzi, Petro orekoghe wajoka aighu nyumbenyi kwenda lomba Mlungu sa saa irandadu.

MABONYO GHA WADUMI 12:7

Shwa malaika wa Bwana ukakaia kimusi aho, na mwengere ghukang'ala-ng'ala chumbenyi cha jela; ukamnyavura Petro luwarunyi ukammbusira ukighamba, “Wuka shwa-shwa.” Nao minyororo ikapotoka kufuma mikonunyi kwake.

MABONYO GHA WADUMI 3:1

Ituku jimu, Petro na Johane werekoghe wikijoka kughenda Hekalunyi ngelo ya kulomba saa ikenda.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

WAEBRANIA 1:7

Na kwa weke malaika waghamba huwu, “Mlungu wawibonya weke malaika wake wiwue mbeo, na wadumiki wake wiwue chumu ra modo.”

WUFUNUO 9:17

Na huwu niko nereriwonieghe iro farasi andenyi ya mawono ghapo: awo wirijokagha, wererwaeghe ngao ra laghenyi riko na rangi sa ya modo ghwa buluu, na ya mkungo sa modo ghwa kibiriti. Vongo va farasi verekoghe sa va shimba; na memunyi kwawo korefumieghe modo, mosi, na kibiriti.