DANIELI 9:2 - Biblia Ilagho Jiboie Kwa Wandu Wose

² Mwaka ghwa imbiri ghwa kubonya nguma kwake, ini Danieli nerekoghe ngishoma vuo na dini, na kuririkanya malagho gha iyo miaka mirongo mfungade Jerusalemu ichaakaia ighacho kunughana na seji BWANA oremghorieghe.

DANIELI 9:2 ပူးပေါင်းရင်းမြစ်များ

2 MALAGHO GHA NGELO 36:21

Ilagho ja BWANA jereghoreloghe ni Mlodi Jeremia jipate kukatia kwaro, hata isanga jivikie kuboilwa ni sabato raro. Matuku ghose jeresighiloghe iduu jedeeka jikiwadia Sabato hata miaka mirongo mfungade ikatie.

EZRA 1:1

Mwaka ghwa imbiri ghwa kubonya nguma kwa Koreshi mzuri wa Pashia, BWANA orejikatishireghe ilagho jake ijo orejighorieghe kwa momu ghwa mlodi Jeremia. Ukam'bonya Koreshi mzuri wa Pashia, ufunye momu na kudumwa kwa maandiko andenyi ya wuzuri ghwake ghose ghupate kushomwa kwa lwaka kula andu seji inughagha,

ZABURI 119:24

Memu yako yadaniboia, niyo njama yapo.

ISAYA 64:10

Mizi yako ya wueli eewuya sa kireti, Sioni eewuya kireti, Jerusalemu ikasighwa duu.

JEREMIA 1:1

Agha ni malagho gha Jeremia mwana wa Hilkia, umu wa wakohani werekoghe muzi ghwa Anathothi ghuko andenyi ya isanga ja Benjamini.

JEREMIA 25:18

Jerusalemu na mizi yose ya Juda na wazuri wawo na wabaa wawo wikanywa; wipate kuwuya wuduu, wa kumenywa, kusekwa na wa kuwasirwa njowe seji koni iko linu.

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 26:6

nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”

JEREMIA 27:7

Mbari rose ra wandu richamdumikia uo, na mwana wake, na wawae; hata ngelo ivike ya kughwa kwa mbari yake. Aho niko mbari nyingi, na wazuri wabaa wichaam'bonya Nebukadnezari ukaie mzumba wawo.

JEREMIA 29:10

“BWANA waghamba huwu, ‘Miaka mirongo mfungade ya kudwalwa wunyika Babuloni ikakata, nichamchea; nani nichajikatisha ilaghiro japo, na kummbunja andu aha.

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

EZEKIELI 29:11

Mdamu ungi ndechaawadia aho, hata nyamandu ndeichaawadia aho; jichakaia iduu kwa miaka mirongo ina.

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

ZEKARIA 1:12

Malaika wa BWANA ukaghamba, “Ee BWANA Kuwadie-Ndighi-Rose, kwakaia na machu aighu ya Jerusalemu na mizi ya Juda kwa miaka mirongo mfungade. Kuchawifuyali wughoma?”

ZEKARIA 7:5

“Zera wakohani na waisanga wose kukaia, iji werekoghe wikifunga na kulila mori ghwa kasanu na ghwa mfungade kwa miaka iyo mirongo mfungade, ndewerebonyereghe huwo kwa ishima japo kungi.

MATHAYO 24:15

“Ela kasikira mwammbona uja ‘Mmbiwi Mnoni’, uo oreghoreloghe ni mlodi Danieli, ukikaia kimusi andu kwa wueli, (uo ushomagha ndetambuo)

MARKO 13:14

“Ela kasikira mwammbona uja ‘Mmbiwi Mnoni’ wakaia kimusi andu kuseko kwake anduangi, (uo ushomagha ndetambuo); kimu icho, awa wiko Judea, ndewikimbirie mghondinyi.

MABONYO GHA WADUMI 8:34

Uja kolowi ukamkotia Filipo, “Nakulomba kunighorie, mlodi uhu wawuyaja malagho ghani; ghake moni angu gha mundu mzima?”

1 TIMOTHEO 4:13

Wadia kushoma Maandiko Ghielie imbiri ya wandu, na kuchila, na kufundisha, hata niche;

WUFUNUO 1:3

Warasimilwa uo ughishomagha malagho gha wulodi ughu na awo wighisikiragha na kughiwadia wori; angu iyo ngelo yalighisa.