DANIELI 9:18 - Biblia Ilagho Jiboie Kwa Wandu Wose

¹⁸ Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.

DANIELI 9:18 ပူးပေါင်းရင်းမြစ်များ

1 WAZURI 8:29

Kuizighane Hekalu ihi kio na dime, andu kukusaghue kutasoghe. Iji nalomba ngiilangaya Hekalu ihi, kunisikire.

2 WAZURI 19:16

degha kudu kwako ee BWANA, kusikire malagho gha Senakeribu, agho ukusholiagha nagho oho Mlungu kuko moyo.

ZABURI 116:1

Namkunde BWANA angu unisikiragha; wasikire malombi ghapo na kuvoya kwapo.

ZABURI 25:6

Kumbuka wughoma na lukundo lwako lukatie ee BWANA, uloni koreluwonyereghe kufuma kala.

KUFUMA 3:7

Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

ISAYA 37:17

Degha madu ghako ee BWANA, kusikire madedo ghose gha Senakeribu ghekusholia oho Mlungu kuko moyo; zighana kuwone ee BWANA seji wawuyabonya.

ISAYA 43:7

awo wose wiwangilo kwa irina japo, awo nerewiumbieghe kwa wundu ghwa wubaa ghwapo; ngawibonya na kuwiumba.”

ISAYA 64:12

Kudima wada kurumaghia aighu ya maza iri rose ee Bwana? Kudima wada kunyama kima kukiditirira huwu?

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

JEREMIA 14:9

Kwaki kwakaia sa mundu washinika, karakara na ing'oni jisedimagha kukira? Na sena ee BWANA, koko aghadi kodu nesi dadawangwa kwa irina jako; kusakedisigha.’”

JEREMIA 15:16

Nereghiwonieghe malagho ghako ngaghija, ghikawuya iseko na kuboilwa ngolonyi kwapo; angu niwangilo kwa irina jako ee BWANA Mlungu wa majeshi.

JEREMIA 25:29

Olenyi nazoe kazi eghunona ughu muzi ghuwangilo kwa irina japo. Mwadima kughenda msekabilo? Ndeidimikagha mghende kusekabilo, kwa kukaia nichareda wuda ghuche aighu ya wandu wose wikaiagha ndoenyi.’

JEREMIA 36:7

Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

JEREMIA 37:20

Idana sikira nakulomba ee bwana wapo mzuri, kurumirie ilombi japo nikulombagha ngikusera imbiri kwako, kuseniwunje nyumbenyi kwa uja muandiki Jonathani nichefuya aho.”

EZEKIELI 36:22

“Kwa huwo kuwizere wandu wa Israeli kukaia ini Bwana MLUNGU siwuebonya maza iro kwa wundu ghonyu, ela ni kwa wundu ghwa irina japo ja wueli, ijo mujilushire aghadi ya iro mbari ra wandu morerighendieghe.

EZEKIELI 36:32

Nakunde mmanye angu siwuebonya huwo kwa wundu ghonyu ini Bwana MLUNGU naghamba. Fonyi waya mkambo ni chongo kwa wandu ghwa mighendo enyu, ee wandu wa Israeli.”

DANIELI 9:7

Oho ko mhachi ee BWANA, ela isi wandu wa Juda na wa Jerusalemu daawuyafwa waya chiaimweri na wandu wa Israeli wose, awo wiko kaavui na awo wiko kula andenyi ya masanga ghose korediwingieghe kwa wundu ghwa mawiwi derekubonyereghe.

MITALO 6:27

“Kwa chia iyo, wichajimanyisha irina japo aghadi ya wandu wa Israeli, nani nichawirasimia.”

1 WAKORINTHO 1:2

damuandikia inyo ikanisa ja Mlungu jiko Korintho, inyo mmbose mueleshero andenyi ya Kristo Jesu, mmbangilo mkaie waeli, andwamweri na awo wose andu kose wijiwangiagha irina ja Bwana Jesu Kristo; nao ni Bwana wawo na Bwana odu.