DANIELI 9:16 - Biblia Ilagho Jiboie Kwa Wandu Wose

¹⁶ Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

DANIELI 9:16 ပူးပေါင်းရင်းမြစ်များ

NEHEMIA 9:8

Koremmbonieghe kukaia mloli kwako, kukam'bonyera ilaghano. Koremlaghirieghe kumneka isanga ja Wakanaani, na isanga ja Wahiti na Waamori; isanga ja Waperizi na ja Wajebusi, na Wagirgashi, jikaie isanga jichaakailwa ni kivalwa chake. Kukakatisha ilaghiro jako angu korekoghe mloli.

ZABURI 143:1

Sikira ilombi japo ee BWANA; sikira kuvoya kwapo kwa hachi yako; Nitumbulie kwa wuloli ghwako.

ZABURI 31:1

Nakukimbiria oho ee BWANA, kusenisighe ngifushwa waya jingi; kunikire, angu oho koko mhachi.

ZABURI 41:13

BWANA uo Mlungu wa Israeli ndekaso, kwa kala hata kwa kala. Amen! Amen!

ZABURI 71:2

Kunivuvuo na kunikira kwa hachi yako; kunideghie kudu kwako, na kunikira.

ZABURI 79:4

Wandu wa mbari zima wiko mbai-mbai yedu waawuyadisholia; waawuyadimenya na kudiseka.

ZABURI 85:4

Kudiwunje sena ee Mlungu Mkiri odu; kuleke makai ghako cha kodu.

ZABURI 89:51

Wamaiza wako waawuyamdukana Msaghulwa wako ee BWANA! Waawuyamdukana andu kose ughendagha.

KUFUMA 20:5

kusakevighoghomia hata kuvidumikia, angu ini BWANA Mlungu wako, ne Mlungu uko na iriso; nawikabagha wanake kwa wundu ghwa kaung'a ra weke ndee, hata kivalwa cha kadadu na cha kana; awo wizamilwagha ni ini;

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 32:31

Wandu wa muzi ughu wanibonyere ngajokwa ni machu kufuma ghwaaghwa hata linu; kwa huwo nichaghuinja niseghuwoneghe

JEREMIA 32:32

kwa wundu ghwa ugho wuwiwi ghubonyero ni wandu wa Israeli na wandu wa Juda, wikanivavira na kuniwusira machu, hata na wazuri wawo, na wabaa wawo, na wakohani wawo, na walodi wawo; wose wandu wa Juda na awo wikaiagha Jerusalemu.

EZEKIELI 22:4

Kwakosere kwa wundu ghwa kubwagha wandu na kwa kukulusha na milimu iyo koreibonyereghe. Ituku jako jamerie kuvika kaavui, na mwaka ghwako ghulaghirilo ghwameria kuvika. Kwa huwo namerie kukubonya kukaie osholelwa ni iro mbari ra wandu, na osekwa ni masanga ghose.

EZEKIELI 5:14

Aighu ya agho, nichakubonya kukaie mduu, osholelwa ni mbari rose ra wandu rikumarie chia rose, na kula mundu uidagha chienyi.

DANIELI 11:45

Nao uchadunga hema rake ra kiwuzuri ghadi na ghadi ya bahari na ghuja mghondi ghughokie ghwa wueli andu Hekalu ikaiagha. Ela sena uchafwa usepatire mndungi omtesia.”

DANIELI 9:20

Ngachuria kulomba, na kurumiria kaung'a rapo na ra wandu wapo Israeli. Ngamvoya BWANA Mlungu wapo uiaghe sena Hekalu yake ya wueli.

JOELI 3:17

“Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

ZEKARIA 8:3

Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

2 WATHESALONIKE 1:6

Mlungu wawonie loli kukaia ni hachi kuwilipa kwa kuwikoronga awo wawuyamkoronga;

1 JOHANE 1:9

Dikarumiria kaung'a redu, Mlungu ni mloli na mhachi; nao uchadifuya wughoma kaung'a redu, na kudielesha wuwiwi ghodu ghose.

1 SAMUELI 2:7

BWANA wadawiwunja wandu wakiwa, sena wadawiwunja wazuri; wadawisera wandu na kuwijosa sena.