DANIELI 8:9 - Biblia Ilagho Jiboie Kwa Wandu Wose

⁹ Kufumanya na lumu lwa chwembe inya, lukabuka lwembe lumu lutini; ndighi yake ikaera cha kusinyi na mashariki, na cha Isanga ja Ilaghiro.

DANIELI 8:9 ပူးပေါင်းရင်းမြစ်များ

ZABURI 105:24

BWANA ukabonya wandu wake wive kwa wungi; ukawibonya wikaie na ndighi kuchumba wamaiza wawo.

ZABURI 48:2

Ugho mghondi ghwa Sioni, ghuko cha kaskazinyi, ghwawukie ighu; ghwaghokie, nagho ni muzi ghwa Mzuri m'baa, ghuredagha kuboilwa ndoenyi kose.

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

EZEKIELI 20:15

Aighu ya agho, nerewighemieghe ahoeni kireti kukaia, sichaawingira jija isanga nerewinekieghe, isanga jinorie nandighi, jiboie kuchumba masanga ghose,

EZEKIELI 20:6

Ituku ijo nerewibonyereghe ighemi kukaia nichawifunya isanga ja Misri, niwighenje isanga nerewilolieghe nimoni; isanga jinorie nandighi, sena isanga jighokie kuchumba masanga ghose.

DANIELI 11:16

Kilongozi wa Siria uchabonya sa iji koni ukunde, usetangalwagha ni mndungi; uchangia hata andenyi ya Isanga ja Ilaghiro, na kujibonyera nguma.

DANIELI 11:21

Uo malaika ukachuria kughora, “Nyuma yake, uchawuka mndumu umenyekie, usesaghulo ni mwandu ghwa wuzuri. Uchangia tu wandu wisemanyire, na kughuwusa wuzuri kwa mikalo.

DANIELI 7:8

Hata iji nerekoghe ngiririkanya iro mbembe, ngawona lwembe luzima lutinieri lukibuka na kuzoghua, lukakua mbembe idadu ra imbiri na virimba varo. Luja lwembe, lorekoghe na meso sa gha mdamu, na momu ghudedagha malagho mabaa.”

ZEKARIA 7:14

Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”